كتّاب

أحمد عرفات | – مشهد عظيم :…


– بنت مصرية. مع أبوها في محطة القطر بمحطة الإسماعيلية وقعت والقطر داخل على المحطة. وفي لحظات كانت الناس بتغمض عينيها من اللي هيحصل للبنت. إلا أن أبو البنت رمى نفسه زي ما ظاهر قدامكم. وفضل حاضن بنته. وسبحان الله مفيش أي خدش أصاب الأب ولا البنت .

  • ياريت بعد المشهد ده. كل أب يتعلم إزاي يحب بناته. وإزاي يفديهم بحياته. وإزاي يكون خير أب ويسمح ليهم بالحياة .. الأب لم يتردد دقيقة عن إنه يفدي بنته. ومشاهد زي دي مش موجودة كثير دلوقتي للأسف. أكاد أجزم. إن 90 ٪ من الآباء دلوقتي مكنتش هتفكر كده .. الأب الحقيقي مش اللي يعنف بنته ويضربه ويجبرها. الأب الحقيقي هو اللي يحفظ حريتها وكيانها ويفدي بنته بحياته .
  • الأب ده عمل اللي أي عاقل وحُر ممكن إنه يعمله كان ممكن القطر يسحبه. بس ربنا خلاه عايش هو وبنته. عشان يكون الموقف المهيب ده مطارد لهم في كل حياتهم. وإنه أب بيحب أولاده بجد وياريت كل أب في بلادنا يحب أولاده كده. والله هنبقى أحسن دول في العالم .

  • مشهد عظيم ومهيب. الفيديو قشعر كل جسدي .. اطمنت إن في آباء عاقلين بيحبوا أولادهم. عاطفة الأب تجاه بنته. غلبت الخوف ورعب المكان وده هو الحب. بكل بما تحمله الكلمة من معنى. الحب اللا مشروط واللا متحكم. الحب الحقيقي .

  • ياريت يكون في أمان بعد كده ويتحط حواجز في محطات القطار. والأب ده يتكرم عشان يكون عبرة لكل أب. بيتحكم في أولاده وبيخليهم يكرهوا نفسهم .

– حقيقي أب عظيم . ❤️????




أحمد عرفات | كاتب علماني

مقالات ذات صلة

اترك رد

زر الذهاب إلى الأعلى