– الفنانة المصرية الجميلة "رانيا يوسف". نشرت صورة لها هي وبناتها الإثنين. مع تعليق موفق "أمضيت وقتاً جيداً جداً مع بناتي. ولكن هذا ليس كافياً". وكانت أغلب التعليقات المريضة على "صدر بنتها". تعليقات قبيحة ومقرفة وكلها تنمر .
- مش عارف إزاي في ناس وسطنا قادرة تكتب كلام مريض زي ده من دون ما يفكروا في تأثيره وواقعه السيء على عقل البنت. وخصوصاً إنها لسه طفلة. هل فكرتم قبل ما تبخوا سم بكلامكم إن محدش بيختار (شكله وجسمه). هل فكرتم إن من أحقر أنواع الهزاز والتريقة. اللي يهزر على (الشكل).
-
نفسي تكون الشرطة الإلكترونية في مصر أقوى من كده عشان يتم القبض على كل اللي بيعملوا كده ويتم معاقبتهم وتغريمهم. والقوانين اللي في المواضيع دي تكون مؤثرة أكثر من كده. عشان حقيقي الناس زهقت (قرف وتنمر وجهل وقلة أدب). وبقى الموضوع دمه تقيل جداً .
-
قولتكم قبل كده. ابعدوا عن كل المتنمرين اللي واخدين من التريقة والسفالة أسلوب حياة. اللي شايفين الاسفاف "دم خفيف". واللي وصل بيهم الانحطاط. في التنمر على بنت لسه صغيرة بالشكل ده .. ابعدوا عنهم أو حاولوا تعالجوهم. لأن الناس دي سبب لمصايب كثير بتحصل دلوقتي .
-
عايز أقول للبنت. متبصيش للتعليقات المريضة. وأن زي ما في بعض المرضى. في كثير معاكي وبيحترموا حريتك أنتي ووالدتك وأختك. ومش هنسمح لأي حد يتجاوز حدوده. لأن في العصر الحالي. بيتم الكشف عن كل (المرضى والمتطرفين والمتنمرين واللي لا عندهم أخلاق ومتربوش). بكل سهولة .
– الأم والبنات بيأخدوا العقل. الله يدومكم أحرار . ❤️????
أحمد عرفات | كاتب علماني
-
-
-
-
-
-
-
-
