– د. "سماح نبيل". كانت في طريقها هي وعدد من الأطباء من (القاهرة .. للمنيا). اصطدم الميكروباص. بسيارة نقل عملاقة فماتت د. سماح نبيل. مع دكتورة كمان وسائق الميكروباص .. وللعلم كانت لسه متجوزة من (شهرين) بس وعن قصة حب مع دكتور جميل زيها كده .
- لحد هنا وأي شخص طبيعي هيتمنى لها الـ///ــلام وأن روحها ترتاح. بس. كان عند المصريين رأي آخر في التعليقات على الخبر. وكانت أغلب التعليقات (شماتة وسعادة). وأن د. سماح (هتكون بالنار). من وجهة نظرهم. أه والله. ومش عشرات من التعليقات. لا. دي الآلاف من تعليقات الكراهية والتعصب .
-
كل شخص فاكر أن الجنة بتاعته لوحده. كل شخص فاكر أن لما يكتب كومنت مقرف زي ده. (هياخد حسنة زيادة). ليه كل واحد فاكر إن معاه الحقيقة المطلقة؟ هل الكراهية توصل للشماتة في الموت؟ هل الدين بيعلم الكراهية؟ هل مش آن الأوان القبض على كل (صاحب لحى). بيطلع ويدس تعاليم مسمومة تحرض على المسيحيين في مصر ؟
-
في حياتي مشوفتش أحقر من اللي يشمت في الموت. ولا هيكون في أقسى من قلوب زي دي عايشة وسطنا وبنضطر نتعامل معاها عادي. ولا في ظلم أكثر من أن الناس دي تكون في الشوارع ومحسوبين على (البشر). ليه كده بجد؟ ليه أحنا بقينى كده .
-
الناس سايبين. الإهمال اللي حصل في القصة. واللي تسبب في فقدان 3 أرواح بريئة. ومبسوطين أوي إن فيهم مسيحية أعتقد الناس دي متعرفش يعني إيه أخوة وحب وإنسانية. ولا عندهم رحمة في بيوتهم ولا حياتهم. البنت كانت سعيدة إنها خلصت (الجامعة). وحياتها بقت أفضل في كل شيء. وبدل ما نقف ونناضل عشان حقها يرجع. بنبص لأمور كلها كراهية وتطرف .
-
ألف رحمة ونور على روحك. أنتي واللي ماتوا معاكي. أكيد أنتم في مكان أحسن وأفضل من هنا .. وبتمنى حقكم يرجع وكل شخص شمت فيكي يتحاسب .
– لروحك الـ///ــلام . ????✋
أحمد عرفات | كاتب علماني
-
-
-
-
-
-
-
-
