مين المرأة المُعيلة؟
ممكن تكون امرأة مُعيلة لأن زوجها طلقها ورفض يصرف على الأولاد
ممكن تكون امرأة مُعيلة لأن وضع الأسرة المادي صعب حتى لو زوجها بيشتغل
ممكن تكون امرأة مُعيلة لأن زوجها مِرض ومش بيشتغل
ممكن تكون إمرأة مُعيلة لأن زوجها اتوفى
ممكن تكون امرأة مُعيلة لأنها تعرضت لإغتــ.صاب والراجل رفض يعترف بالطفل
إلخ..
فيلم 678 تم إنتاجه بطولة نيللي كريم «صِبا» ناهد السباعي «نيللي» بشرى «فايزة»
ورغم إن الفيلم قضيته الأساسية هي التــ.حرش إلا أنه سلط الضوء بشكل غير مباشر على المرأة المُعيلة والصعوبات اللي بتواجهها.
«فايزة» ست كل أحلامها أنها توفر حياة كريمة لأولادها فـ بتشتغل عشان تقدر تساعد في مصاريف البيت ورغم أنها كانت بتخرج من بيتها “قفة” – زي ما قالنا الشيخ إياه – إلا أنها كانت بتتعرض للتـ.حرش في كل الأماكن وكان المتــ.حرشين بيستهدفوها طول الوقت، ومع ذلك لسة في ناس في مجتمعنا مقتنعين إن خروج المرأة “قفة” من بيتها هو الحل لمنع التــ.حرش.
«فايزة» كل يوم بتروح فيه الشغل كان لعنة، الشارع والمواصلات والمتـح.رشين والناس اللي بتتفرج وهي ساكتة كلهم كانوا لعنة.
كل اللي كانت بتعاني منه فايزة لمجرد أنها مارست حق بسيط وهو “العمل”.
الحاجة المشتركة بين حالة «فايزة» وحالة كل النساء المعُيلات أن كلهم بيحلموا بمستقبل أحسن لأطفالهم وحياة آمنة ليهم ولأولادهم.
«نجاة Nagat» مبادرة من ضمن مبادرات كتير بتقدمها سوبروومن بتحاول تحسّن من وضع المرأة في مجتمعنا.
هدفها الأساسي كبرنامج تدريبي أنها تأهل النساء المُعيلات لسوق العمل وتساعدهم يكوّنوا ذمة مالية خاصة بيهم توفر حياة آمنة ليهم ولأطفالهم.
«نجاة» هي أمل في حياة أفضل لجميع النساء المُعيلات.
كتابة: همس محمد
#نجاة
#تمكين_اقتصادي_للمرأة
#سوبروومن
#لسه_في_حياتك_نجاة
#Nagat
#Superwomen
#قسم_الدراما_والسينما
#العنف_ضد_المرأة
#الدراما_والنساء
يمكنك دعم الموقع من هنا
مؤسسة ندى لحماية الفتيات
