بحكي أنا وصاحب السوبر ماركت عن مسلسلات رمضان
دخل علينا شخص أتوقع انه سايق تكسي ، وسمع نقاشنا
وقال: تحكو عن الفن واللهو وماذا عن موسلمين بورما والصين وكشمير
قلت: ماذا عنهم؟
قال: شو
قلت: شو مالك
قال: شو بتقول
قلت: متى
قال: قبل شوي
قلت: ما بتذكر عن شو كنا نحكي
قال: بورما والصين وكشمير
قلت: اه شو مالهم
قال: ماذا عنهم
قلت: ماذا عنهم
قال: شو مالك ما بتعرف تحكي
قلت: ليش تتهرب
قال: يلعن شرفكم بهالبلد ما بتخلو حدا يعرف يستشيخ حتى برمضان
هاشم العامر | كاتب
