فى عيلتنا عندنا الدكتورة إيمان شومان – 64 سنة- فى معهد الدراسات الأفريقية هى النموذج الأعلى لكل بناتنا، هانم مصرية أصيلة حفيدة ملكات الفراعنة، والحقيقة عندنا زيها ملايين المصريات الشريفات اللى الواحدة منهم تسوى فدان رجالة.
على الخاص عندى مشكلة ست بيت بعد عشرة عشرين سنة جوزها الندل يطردها ويرفض يديها حتى ملابسها، ولا أى مستحقات، لأنه غنى وعيلته مليانة أعضاء شعب وشورى وعمد ومشايخ، وماحدش يقدر يقف قصادهم، والست غريبة ف بلد رجالة.
فوجئ الجميع بالست بتقف بصلابة وتدافع عن عيالها وحقوقهم ضد جبروت عيلة منعدمة الشرف بس مليانة مناصب وأعضاء، ومع صلابة الست دى لقينا الجميع بيستخبى منها – حرفيا- تحت السرير، لدرجة إنهم بيستخبوا من البيه العسكرى ويقفلوا بيوتهم بالحديد، آل يعنى مش موجودين …………..
وهنا الدنيا اتقلبت ونص مصر بقت تتصل بيها وتوصى عليها، منهم صديقنا المستشار النبيل شريف رسمى لما سمع المشكلة كان مصمم يروح يضرب اللى يقابله من العيلة الكبيرة فى المناصب والصغيرة فى الشرف والأخلاق والمروءة دى، بس الموضوع هايتحل بأبسط من كدة، أنا بوستاتى بتتوزع على أعضاء المجلس ورئيس المجلس بيطلب منهم الرد عليا، زى ماحصل مع النائبة فايقة فهيم وجت إعتذرت على صفحتى، والنائب السلفى عبد الحكيم مسعود، وغيرهم كتير وضحوا موقفهم أدامنا هنا وقبلنا اعتذارهم، والمرة دى مش هانقبل الإعتذار.!!!
ستاتنا ياجماعة بيسطروا ملاحم مجهولة على أرض مصر، بس احنا بنتكسف نحييهم ونقول عليهم أرجل مننا.
نقبل أياديكى يا سيدتى، ومعاكى لحد ماتخدى حقوقك، وبرضه أدبهم واجب ع الرجال.!!!
يمكنك دعم الموقع من هنا
مؤسسة ندى لحماية الفتيات
❤️❤️❤️❤️❤️
انا مش فاهم
هل الدكتوره اتعرضت لمشكله مشابهه؟
ماشاءالله ربنا يحفظها لك
👍👍👍
المرآه القوية كنز وشرف لأهلها
عاش يا شهم ❤️
ست الكل العظيمه ربنا يحافظ عليها
Real men support openly wronged women. Courage is well and alive
ما اجمل الرقى و التحضر
تحياتي يافندم
ربنا يخليك يامولانا ❤
انهارت منظومة الاخلاق المصرية على كافة المستويات
البوست مش واضح اوي ، بس كل المجد و الخير للست المصرية الاصلية الجدعة اللي تشرف ناسها.
تحياتنا للدكتورة. المرأة الشجاعه المثقفة جيش من لا قوة له
هؤلاء احفاد اعظم حضاره في التاريخ
حقها جاي جاي مسأله وقت
حاجة تشرف
❤️❤️❤️
عمل نبيل فعلا ولكن ما سر اهتمام حضرتك بقضايا الستات وازواجهن ولا يوجد صلة قرابه بين حضرتك وبين قاسم امين؟ انا باسال حضرتك بكل أدب واحترام ارجو الرد يكون كذلك
طيب يا صديقي
ممكن بوست عن الستات اللي بتكفر العشير او اللي بتطلق و تحرم الاب من اولاده او تعتبر ان الاولاد رهاين عشان تملي شروطها علي الاب ؟
سلاما لكل سيدات مصر العظام
واضح انها هانم و ست راقية جدا
ربنا يؤيدها و ينصرها و ينجيها
الدكتورة إيمان فخر لأي حد يعرفها
و انا بحمد ربنا اني كان ليا الشرف اني قابلتها و قعدت معاها
ست عظيمة حقيقي
ستات مصر العظيمات بجد
على فكرة ان خريج مدرسة صلاح سالم الثانوية بالعياط وكانت توجد اخت اصيلة ومحترمة جدا اسمها ايمان عبد العزيز حسن شومان بس كانت في سنة٣ وانا سنة اولى ثانوي
تحياتي لعائلة شومان بالعياط
👍👍👍👍
يسلم قلبك يارب
ياشومان جبت اسم بنت عيلتك و بعدين نقلت على حد تانى ست بيت ايه علاقة الاول بالاخر يعنى بنت عيلتك اتعرضت لنفس المشكلة ولا ايه .. وصورة مين دى بنت عيلتك ولا ست البيت ؟ اشرب قهوتك ياشومان علشان تركز
شرف لكل ستات مصر المحترمين وتشرف كل مصري
الليدي بنت الأصول فعلا بميت راجل ..تحياتى
ربنا موجود
شموخ و عزة و كرامة حفيدة الملكات و سيدة و ست ستات مصر الحضارة و الرقى
نرجع لمصريتنا ونترك التصحر لأصحابه
حقا عائلة محترمة
ربنا يبارك في سيدات مصر الفضليات. فهم شرف لنا في كل المحافل
فيها كتير منك تشعر و كأنكم اخوات و ليسم أبناء عمومه
سيدات مصر حفيدة الفراعنة.
مساء الانوار
🌹🌹🌹🌹🌹🌹
بنت ايزيس❤️🌹
عشان بتدعمك دعما لا مشروط 🤔 مانت آخر العنقود.
ربنا معاكى يقويكى هى دى سيدات مصر
اقسم بالله
فى وجهها نور ربنا
عاش يا مولانا عاش امرأة حرة مستقلة