#قصةنجاح
ايات جمال
•اسمي ايات جمال مواليد 1994 من بغداد
•اعمل مصممة ديكور داخلي
•خريجه بكلوريوس هندسة مدني
•حاليا ادرس دبلوم تصميم داخلي
• شاركت ب تصميم بوث مكتب السياحة والسفر للخطوط الجوية العراقية في مؤتمر السفر العربي المقام في دبي/ صالات معارض شركة شيري/ ومشاريع اخرى.
•امتلك مشروعي الخاص نقطة.
*كيف بدأتي مشروعك؟
•تنسيق الالوان من هواياتي من سنين وكل شغفي كيف انسق الالوان.. احب كل شغل بي تفكير وابداع
بدأت ب تعلم البرامج التصميمية وكان جزء من دراستي بلجامعة كانت عن بعض البرامج.
بدأت اخذ كورسات اونلاين وطورت نفسي بهذا المجال وكورسات اكثر عن الانارة والالوان وكيف استغل المساحات..
بعدها بدأت ب شغلي ويا شركات بلتدريج بلبداية كنت اصمم فقط حمامات ومطابخ بعدها تطورت وصرت اصمم منازل وبعدين تطورت اكثر وصرت اكدر اصمم شركات ومكاتب وعيادات كاملة منa-z.
لذا قررت اعمل بزنز خاص وسويت #نقطة للتصميم.
*هل واجهتي صعوبات في بداية مشروعك?
•اكيد طبعا ماكو مشروع بدون صعوبات..
الصعوبات اللي واجهتني ب العمل هو عدم توفر كل المواد بالعراق ولا كل الاثاث والقطع اللي اختارها..
بعدها اكتشفت طرق واماكن اكدر احصل بيها ع شغلات تنفذلي عملي.
*من ساندك او دعمك في مشروعك ؟؟
•اكيد اهلي اول المشجعين لي والساندين ودعموني حتى اتعلم واخذ كورسات..
بالاضافة الى زوجي الي يساعدني لحد الان بعملي ويكون حاضر وياية حتة من اخذ قياسات المكان
والاصدقاء والصديقات كلهم كانوا يشجعوني واشكر كل الناس اللي قدمولي فرص حتى اعمل بهذا المجال واتطور بي
واشكر كل شخص علمني ونصحني كيف استخدم اي اداة..وكل شخص سمعني كلمه حلوة او انتقد نقد بناء حتى اطور من نفسي..
*ما هو طموحك او هدفك المستقبلي؟
•يكون عندي مشروع متكامل للبناء والتصميم والتنفيذ والديكور والتأثيث وشركة خاصة بهل شي وحتة المواد تكون موجودة بيها..
وقابلية ان افتح ورش ومعامل ممكن تفيدنا افضل من ان نستوردها..
*رسالة قصيرة تحبين توجهيها للنساء؟
•لا تتوقفون عند اي حلم او فكرة تجي ببالكم كل مشروع عظيم وكل نجاح كانت بدايته فكرة صغيرة ممكن بيوم نضحك عليها ونكول مستحيل انه تصير
اتحدي الظروف والمكان والوقت بالاخير على الاقل حتكونين حاولتي…
كل التوفيق ايات وان شاء الله يتحقق حلمك
لمعرفه تصاميم ايات عبر بيجات عملها من خلال الفيسبوك والانستا عبر الروابط التالية..
https://www.facebook.com/noqta4design/
https://instagram.com/n.o.q.t.a.design?igshid=q0romt1xjeg1
#حقوق_المرأةالعراقية
#IWR
#Sara
