بفتش الكتب – أكتر من 30 مرجع- عشان أكتب النهاردة عن علاقة البابا شنودة مع متى يهوذا وعلاقتها بمقتل أبيفانيوس، بس لقيت واحد من أنصار يهوذا المسكين بيعمل مقارنة بين دور الكنيسة أيام البابا شنودة، ودورها فى ظل الأنبا الحالى، وبيقول طبعا دلوقتى الكنيسة ليها دور متعاظم فى الدولة ومافيش صفحة من جريدة رسمية إلا وفيها صورة للأنبا بيستقبل مسئولين ومبعوثين دلالة على أهمية دور الكنيسة لما تخضع للدولة مش تناطحها زى البابا شنودة.
قبل مارد على الكاتب أحب بس أقول إن الكنيسة والأزهر ودار الإفتاء وكل المؤسسات دى فى نظرى ملهاش ذرة قداسة، ولا يلزمنى حتى إحترام رموزها، البابا زى شيخ الأزهر زى رئيس الوزراء، ودة مقدما عشان ماحدش يعمل فيها ألف عتريس ويقول لى انت مالك ومالنا، لأ دى مؤسسة مصرية .
نرجع للكاتب اللى طبعا معاه حق، الأنبا الحالى موظف فى دولة السيسى يمكن أعلى من أمين شرطة ف أمن الدولة، وأوطى من ملازم، والطبيعى لازم يقابل اللى يؤمروه يقابلهم ويكتب التقرير ويبعته للأسياد، طب والشعب؟ شعب إيه يابا أنا أمن دولة بحافظ ع الوطن كله، والأقباط يايغوروا ف داهية يايصلوا للرب بتاعهم، أنا مخبر مش أنبا……..وطبعا بياخد أجرته زيارة آخر السنة- عيد الميلاد بس القيامة لأ- وتصريح ببنا عشر كنايس وقصادهم ألف جامع، مع الوضع فى الإعتبار إن السيسى لو تصالح مع الإخوان هايرفد المخبر بتاعه ماعدش ليه لازمة ولا كرامة.
طب وسيدنا البابا شنودة؟ دة كان على موعد مع القدر إنه يقف فى وجه تيار عارم يحتاج عصا موسى لمواجهته، وقدر رغم الخيانات يحافظ على شعبه الصغير القبطى وشعبه الكبير المصرى، خسر؟ طبعا كتير جدا، بس دة تمن إنك تكون راجل عندك كرامة وعزة نفس فى زمن لوطى منحنى الظهر، ونيجى احنا كمصريين شرفاء نفتخر بيه وبقيمته وبقامته مهما كانت مرارة هزائمه، لم يحن فى الليل اللوطى ظهرا مثل غيره………..
………………………………………………………………………………………
يأتى من بعدك ياخلى، من بعدى
من يحكى أنا لم نحن فى الليل اللوطى ظهورا
ونكحنا حتى الغيلان، كتأبط شرا…………نجيب سرور.
…………………………………………………………………………………….
فلترحم السماوات العظماء منا…………
يمكنك دعم الموقع من هنا
مؤسسة ندى لحماية الفتيات
-
-
-
-
-
-
-
-
