– السيدة الجميلة دي إسمها (هند البنا). من (الإسكندرية) .. مصابة بحروق من وهي عندها 13 سنة. والحروق دي سايبة أثر في إيدها. ومن وقتها وهي بتتعرض (للتنمر وقلة الأدب). وكمان محدش بيرضى يشغلها بسبب الحروق اللي في إيدها وبسبب جسمها .
- هند طلعت من فترة مع المذيعة (لميس الحديدي). وحكت عن التحرش اللي بتتعرض له من شعبنا الجميل. وقالت مرة (راجل كبير آتحرش فيا. ولما اتكلمت عشان ادافع عن نفسي مراته مسكتني ضربتني في قلب المترو). قالت كمان (سواق تاكسي حاول يتحرش فيها. ولما حاولت إنها تمنعه. سخر من شكلها وقال لها "أحمدي ربنا أني بصتلك").
-
المهم. فيديو القناة اللي نزل على الفيس. كان كله متنمرين وتعليقات ساذجة من نوعية (اتحجبي وارجعي لربنا. شكلك وحش. مين هيتحرش فيكي أصلاً). وكمية قلة أدب وانعدام أخلاق مش طبيعية .. بتثبت لي أقد ايه أحنا انحدرنا للأسفل بشكل مرعب ومخيف .
-
بجد اضايقت لما هند (بكت). في الفيديو اللي (هسيبه ليكم تحت). واضايقت. من معاناتها شبه اليومية مع شعبنا المتدين بطبعه. واضايقت. من أن مرض (التنمر). بقى منتشر بالشكل ده. واضايقت. من أقد إيه التحرش بقى في عقول أغلب ذكور بلدي وشايفين إنهم مبيغلطوش لما بيعملوا المصيبة دي .
-
يا سيدة هند :
-
أنا مش عارفك بس بتمنى كلامي يوصلك. وعايز أقولك إنك والله جميلة وطيبة قلبك وروحك في وشك منورين. وكل حد زعلك أو تنمر عليكي أو تعدى حدوده معاكي. أكيد هتترد له بشكل ما أو بآخر. خليكي واثقة من نفسك ولا تهتزي. وأقهري كل واحد منهم (بقوتك). الله يدومك حُرة. وكلنا جمبك يا سيدة. هند. وجسمك سواء كان (رفيع أو تخين). دي حريتك وقرارك الشخصي. اللي محدش له حق التدخل فيه . ????❤️
– كل الحب والدعم .
أحمد عرفات | كاتب علماني
-
-
-
-
-
-
-
-
