– المُغتصب الشاب المغربي "سعد لمجرد". اللي تاريخه كله غير طبيعي. واللي أغلب حياته حالات من (الإغتصاب والإعتداء) على الإناث. في طريقه لمكانه الطبيعي إلا وهو "السجن". بعد ما قرر القضاء الفرنسي العادل. إنهم يحولوا قضية "إغتصاب" قام بها الشاب. للمحكمة الكبرى الخاصة بالجرائم. وبكده سعد هيقعد أغلب حياته في السجن .
- سعد مش بس عمل كده في واحدة. لأ. ده في 2015 حاول يعتدي جنسياً على (بنت مغربية) وهي في المغرب. وأسقطت التهمة عليه في 2018 خوفاً من "المجتمع". بس سبحان الله لما حاول يعمل ده ثاني في 2016 مع (بنت فرنسية). قررت إنها متسكتش وفضلت ورا حقها 4 سنوات. لحد ما اثبتت أن القضية (إغتصاب). وإلغاء قرار الإفراج المشروط عن سعد .
-
ممكن حد يقولي إزاي في ناس بتتعاطف مع "مغتصب". هل لإنه مشهور ؟ طب ما في دول العالم المحترمة. أي متحرش أو مُغتصب من الفنانين (بيتعاقب). والناس كلها "بتنفر منه". حتى لو كان معروف وتاريخه الفني قوي .. ليه أحنا بس اللي بنسامح وبنتعاطف مع المغتصبين والمتحرشين. وبندور على مليون حجة وحجة عشان نبرر ليهم ؟ للدرجة دي الإناث في أوطاننا بلا قيمة ؟
-
يا سعد :
مكانك الطبيعي مش معانا. مكانك السجن. لازم يتعمل ليك إعادة تأهيل نفسي كامل. وتقعد فترة كبيرة في السجن عشان تتعلم إزاي تكون إنسان طبيعي. وتحترم الإناث ورغباتهم وأن "لا". هي "لا". ورغم كل الشهرة اللي معاك. إلا إن عدم وجود أخلاق. وصمة عار هتلاحقك كل حياتك. من سنة حاولت أني اتعاطف معاك. بس لقيت ليك في كل مكان بتروحه قضية .. في خلل نفسي كبير جواك .
-
ولكل بنت لسه بتدافع عنه :
-
لحد أمتى مش هتفهمي يعني إيه معاناة بنت غيرك ؟ لازم تفهموا حجم الآلام اللي بتكون بسبب (الإغتصاب والإعتداء الجنسي). لازم تحسوا بمعاناة بعض. إنك تسمعي لأغنية له أو تحضري حفلة أو تكوني سبب في نجاحه. فأنتي بتساعدي إنه يفضل وسطنا بدون حساب. ومين عارف ضحية سعد الجديدة هتكون مين .
– أعتقد كل إنسان حُر سعيد بيك يا سعد. تاريخك عار يا سعد بأكثر من 10 حالات إغتصاب واعتداء. ومليون قلب للبنت الشجاعة اللي فضلت ورا حقها . ♥️????
أحمد عرفات | كاتب علماني
-
-
-
-
-
-
-
-
