– ممثلة قديرة زي "سوسن بدر". مش هنلاقي حد يختلف على ملامحها المصرية والشبه الواضح بينها وبين الملكة العظيمة المصرية "نفرتيتي". كلنا بنحب سوسن بدر. مش بس عشان كده عشان تمثيلها المتألق والجميل واللي بياخد العقل. وجبها للحياة اللي بيكون واضح صورة صورة .. ولكن ههيات حماة العقيدة وكارهي الحب يسيبوا حد في حاله !
- الصورة نزلت لها. والتعليقات اللي بتقول "بينك وبين القبر ليلة". و" تحجبي عشان تدخلي الجنة". وغيرها من التعليقات المقززة. وأنا بقيت شايف إن الحل المثالي إننا نفضح كل أصحاب التعليقات دي. عشان يكونوا عبرة لغيرهم. لما تكون سيدة عندها أكثر من 60 سنة وتكون دي التعليقات من ناس كبار في السن ما بالكم الناس دي بيزرعوا سموم عاملة إزاي جوه عقول أولادهم اللي بيطلعوا مغيبين .
-
حجابك من عدمه مش محور كوني. مش لازم تكوني عايزة كل النساء لابسين زيك. مش لازم تكون وجهة نظرك الحقيقة المطلقة. مش لازم نفضل نتنمر على الناس. زعلتم أوي لما "يارا نعوم". مرات "عماد متعب". تعنصرت على "عاملة منزلية" ولكن ليه مش بنشوف نفس زعلكم ده. مع التعليقات دي .. أو مع قضايا اللا شرف والتعنيف ! ولا تعاطفكم بيتجزأ حسب مزاجكم ! الشخص الحُر هو اللي بيتكلم عن كل القضايا مش حاجة أه وحاجة لأ .
– سوسن بدر. بتاخد العقل والقلب. تعليقاتهم مقززة. ولكن من الأصح نفضحهم ونشهر بيهم عشان نحذر الناس منهم ؛ يارب تدومي جميلة وحُرة يا ملكة مصرية اصيلة … ولا يهزك ابداً تعليقات الاوباش دول . ❤️
أحمد عرفات | كاتب علماني
-
-
-
-
-
-
-
-
