– صورة لأطفال في شوارع مصر. تم التقاطها من شخص في الشارع. وهو بيهزر معاهم بس هما قابلوه (بحركة غير لائقة) بالأصابع. البعض قد يراها صورة مضحكة. ولكن أنا عندي رأي مختلف تماماً وشايف إن الصورة دي (كارثة أخلاقية).
- مفروض بدل ما كل العدد ده يهزر على الصورة دي. نتكلم عن قد إيه (الأجيال اللي طالعة). أجيال لا عندها (أخلاق ولا تربية). قد إيه صورة زي دي فيها 100 مليون سبب يخلينى نخاف من الجيل اللي طالع في مصر. قد إيه بقى في أهل لا بيربوا أولادهم وكل دورهم (الإنجاب وبس). ولا حتى بيبنوا (وعي). ولا (إحترام). ولا (أخلاق). في عقول أولادهم .
-
اللي بيعمل حركة الأصابع دي. لما يكبر هيتحرش وهيهين كل النساء. لأنه هيكون فاكر نفسه "راجل". هيعتدي على كل من يملك أفكار حُرة. "لأنه مش خايف من الحساب". هيلوث شوارعنا بقلة تربية وانعدام أخلاق. "لأنه شايف إن كده هو جامد". والغريب أننا بدل ما نحلل صورة زي دي وتأثيرها السلبي على كل حاجة. بنضحك عليها وكأن مشهد زي ده من أطفال عندها "6 أو 7". مشهد طبيعي ؟
-
أنا آسف بس الصورة دي حرقتني. ومش شايف فيها سبب يخليني أضحك. وأن منظر زي ده في مصر مينفعش يعدي إلا بحساب أهل الأطفال دول فوراً. وأعتقد صور الأولاد واضحة وأننا لازم نشوف الخلل ده جاي منين ونعالجه. وإلا هيحصل (كارثة أخلاقية). في كل شوارع مصر حرفياً .
-
وأخيراً. وبدون أي مبالغة. اللي هيشوف صورة زي مضحكة أعتقد إن هو نفس دماغ العيال دي بس على كبير. وردة الفعل على الصورة. بتثبت وجهة نظري .
– أنتهى / وجهة نظر .
أحمد عرفات | كاتب علماني
-
-
-
-
-
-
-
-
