هوجة من الدعم الأدبى للدكتور خالد منتصر على السوشيال ميديا، وطبعا إحنا بندعم أى علمانى ولكن خلونا نتكلم بالعقل أولا………….
لما مات المرحوم وائل الإبراشى كنت أول من نشر اسم الدكتور الفاسد اللى اتسبب فى وفاته، ولأن نقابة الأطباء زى نقابة عصابة القناع الأسود، بتدافع عن رجالها ظالمين ومظلومين، وقفت مع الدكتور الفاسد اللى عالجه بدواء اسمه سوفالدى غير معترف به وغير فعال فى حالته، واتسبب فى وفاته ومن قبله سمير غانم ودلال عبد العزيز، لدرجة قلنا دى مؤامرة من نقابة الأطباء الإسلامية بطبعها لقتل رموز مصر الشريفة……….
اللى اتبنى الموضوع د خالد منتصر باعتباره طبيب وعارف بروتوكول قبول الدواء من هيئات طبية عالمية، مش أى واحد يعمل دوا ويعالج بيه الناس كأنه حلاق صحة بتاع زمان، وبعد سنة تقريبا قررت نقابة الأطباء وقف خالد منتصر، ليه يانقابة القناع الأسود؟ قالك أنصر أخاك ظالما أو مظلوما، وكتر خيره بعت وائل الأبراشى شهيد بدل مايموت صحفى علمانى.!!!
طبعا كل الدعم للدكتور خالد، وعارف إن خالد ليه شعبية طاغية بين مختلف فئات المصريين الفكرية، رغم إنه ضحل الثقافة لحد مرعب، وبيختزل العلمانية فى الحجاب والنقاب وتهنئة المسيحى وشوية العبايط اللى بينشرها الشيخ مجانص، يقوم يرد عليه الدكتور خالد، والاتنين يتلمعوا وهما لافاهمين حاجة ف الدين ولا فى العلمانية، بس هى سبوبة الكل بيسترزق من وراها، وطالما إننا فى شبه دولة يبقى خالد شبه مثقف، ومجانص شبه شيخ، والمتابعين شبه فاهميين، واتلقى أنا طعنات المعجبين بالعبط الفكرى.
أخونا نجيب سرور بيقول إن شيخ الكتاب مسك العصا وقال للتلاميذ الفلاحين فى الكتاب: ” الشخبول على الحائط”، والكل هز راسه كأنه فاهم، إلا فلحوس واحد رفع إيده وسأل الشيخ: مولانا…………..مامعنى الحائط؟؟.!!!
مصر كلها فى عصرنا المهان البزرميط دة بتسأل يعنى ايه الحيطة، ومستحيل تلاقى واحد بس عنده الجرأة يسأل عن معنى الشخبول.
الكل زاغ وفسد وأعوزه مجد الله ……………….
يمكنك دعم الموقع من هنا
مؤسسة ندى لحماية الفتيات
يعني مفيش امل؟؟؟ احنا محبطين يامولانا حاسين انها مش بلدنا ولا لينا لازمه فيها بصراحه فقدنا الانتماء والراجل اللى كنا حاطين املنا عليه طلع بركه
لو خالد منتصر اتكلم لوحته عن الاسلام حيودو وراء الشمس فهو مجبر استاذ شومان
تفتكر أن مصر هتنضف في يوم من الايام اشكال عبدالله رشدي
الوقت الحالى هيركعوا اى حد يحاول بس يقول لا ده غلط احنا فى ايام صعبه وكلنا يندفع تمن على حسب مكانتنا ومدى دفاعنا عنها فلترحمنا السموات من كل هذا
خالد منتصر قامة كبيرة من ٣٠ سنة
❤️❤️❤️
مش محيرني غيرالشخبول فى كل ده ياترى اية هو يمكن نفهم الموضوع اية ورايح لفين وازاى
تفتكر مين في رأيك يقدر يتبني الفكر العلماني السليم ويتحدي الشوك اللي يقابله أمامه وينتصر
ومن يصبر إلى المنتهى فهذا يخلص
هنا اقبس قولك
توبو يا رمم يرحمكم الله
أسعد الله صباحك
طب ما الشخبول تلات ارباع ال….. ومعتقدش حد يقدر يتكلم عليه يا مولانا والا السماء والارض تغضب عليه 😉
“سوفالدى” ده علاج ضمن بروتوكول علاج فيرس سى يا مولانا انا فاكره من ايام ما والدى كان بيتعالج من الفيروس ده ..ده مش من اختراع الدكتور ده ولا حاجة على فكرة اعتقد ان مخترع السوفالدى يهودى من اصل مصرى
أطباء مصر كلهم ميتخلعوش من الرجل
بقي النقابة اللي نقيبتها الدكتورة بتنجانه اللي رايحة لبنات طب الأزهر تقولهم بيتك ثم بيتك ثم بيتك وهي شخصيا قاعدة في الشارع طول اليوم بسبب العمل النقابي واللجان اللي هي عضو فيها وعملها في الجامعة والطب الشرعي .. هتحيل الدكتور خالد منتصر للتحقيق انتصارا لدجال!؟
يادين امي 😂😂😂😂
طبيب وائل الابراشى يجب محاكمته بتهمة قتل وائل و سمير و دلال قتلا عمدا
مولانا أكتب لنا عن السودانيين بتوع أحنا أصحاب الحضارة المصرية خلينا نضحك شوية
حتى لو كان ضحل الثقافة زي مابتقول
يُحسب له شجاعته ووقوفه ضد الجهل وشرب البول ورضاع الكبير ورائحة المرأة وعذاب الثعبان
هذه الاشياء لم يجرأ احد الاقتراب منها علنا
حتي في رده علي من يسيئ له في اخر كلامه يقول له
تحياتي
المشكلة هنا مين يدافع عن د. خالد منتصر في نقابة معروفة بأخونتها وتعصب منتسبيها؟!
لازم الدفاع عنه يكون من داخل النقابة ومن أصوات مؤثرة دي مش عملية سهلة، يعني يقدروا ياخدوا قرار شطبه بكل سهولة الا اذا ثار الرأي العام
جميع النقابات إرهابيين مهندسين أطباء محامين ….الخ
د.خالد منتصر يكفيه فخرا أنه وقف في وجه التفكير الإخوانجي السلفي و كشف و عرى أكاذيبهم و دروشتهم. حكاية انه مثقف أم لا…الأهم منها الزخم الذي خلقه و التيار الفكري الذي تبناه.
رائع رأيك في خالد نفس رأيي