لا لتعدد الزوجات في مصر | مآساه اليتيمات الفقيرات اى راجل بيدور على عروسه وهو نيته اصلا وحشه وناوى

لا لتعدد الزوجات في مصر

مآساه اليتيمات الفقيرات
اى راجل بيدور على عروسه وهو نيته اصلا وحشه وناوى يتجوز عليها ونفسه يكون الحج متولى بيعمل عمله قذره جدا أنه بيدور على بنت يتيمه مالهاش اخ او سند ولازم مستواها المادى يكون متواضع
ولما بيلاقيها بيقلب راجل متفتح وعلمانى ويطالبها انها تشور نفسها وتجيب له العفش الى بيقعد عليه وهى بتضطر تشتغل اكتر من شغلانه وتتبهدل هى وامها فى سبيل انها تتجوز راجل تعتمد عليه ويكون اب تانى ليها
وبعد الجواز بفتره مش طويله وبعد الخلفه تلاقيه اتجوز التانيه ولما تعترض يقلب شيخ سلفى صميم ويقول كلام السلفيين الفارغ ( انت بتعترضى على شرع الله خلاص اكفرى ) وفى سبيل إخضاعها بيضربها ويذلها بأكلها وبيهددها أنه مش حيصرف على ابنه وهى اصلا مش بيكون معاها فلوس للقضايا والمحامى لان جوزها اخد كل ما تملكه الزوجه المنكوبه فى الشوار !!!!!!!!!!!
وبتضطر تسكت وترضى
وتطلع وحده تقول أنا مارضاش بس ده الشرع !!!! هو مادام انت عندك اب واخوات يدافعوا عنك أو شغل وفلوس تسيبي كميه الظلم ده وتوافقى عليه وتدعميه ؟!!!!!!!!
هو انت فاكره أن ربنا ممكن يرضي بالظلم والاستغلال و القهر ده ؟!!!!! مستحيل طبعا لان ربنا غيركم ربنا هو العدل وهو الرحمن الرحيم

Meho Mokhtar