لا لتعدد الزوجات في مصر
قانون الخلع صدر عام ٢٠٠٠. تمت إقالة مفتي مصر الدكتور/نصر فريد بعد رفضه التوقيع على القانون بحجة أنه جرد القاضي من "السلطة التقديرية" وجعله بمثابة مأذون يطلق الزوجة ما دامت مصرة على الخلع "ازاي المراة تاخد قرار يخص علاقتها بدون تدخل ذكر؟"
بعد تطبيق القانون والعمل به، طلع الشيوخ بحديث نبوي عن حق المرأة في الخلع واعدو يتغنو بتكريم المرأة في الإـ///ــلام.
(هي دي باختصار قصة "تجريم الختان وإلغاء السبي والرق" يفضلو يدافعو ولما ينزل قرار مدني يركبو الموجة)
بعدها طلعت دعاوي ومناقشات برلمانية كتير لوقف العمل بقانون الخلع بحجة انه تسبب في انفصال كتير. بس الشيوخ منتفضوش لنصرة شرع ربنا في الخلع زي ما بينتفضو في "تعدد الزوجات"
ومش هتلاقي حد بيقول "مش معني ان الستات بيسيئو استخدام الخلع، يبقي الخلع غلط. ده شرع ربنا يا كفرة" ولا "الخلع له فوائد لا يفهمها عقلنا القاصر" ولا شيخ هيصدر فتوى فحواها "من كره الخلع فهو كافر ومرتد عن الإـ///ــلام"
عادي جدا بيتكلمو عن وقف شرع ربنا في الخلع ومحدش حاسس بربع جنيه حرمانية.
