لا لتعدد الزوجات في مصر
بشرع الله اتجوز مسيحيه امريكيه عشان ياخد الجنسيه وبشرع الله هيتجوز مصرية زوجة تانيه وبشرع الله مش هيقول لولا واحده فيهم انه متجوز عليهم لانه لا يشترط اعلام الزوجات بزواج الرجل من اخري ولا يشترط موافقتها اصلا. لا وكمان لا يشترط العدل في الحب والمعاشرة يعني متعة زي العسل تحت مظلة شرعية.
هتلاقيه نازل من امريكا يتقدم لبنت ناس بكر جميلة علي اساس انه الشاب المكافح للي عايش في الغربه وتعب ونفسه يستقر. مفهم الامريكية انه نازل يشوف اهله ومفهم المصرية انه متبهدل في الغربة عشانها
طبعا لو نفذ للي في دماغه الامريكية هتنفخه وهترفع عليه قضية ومش هيشوف امريكا تاني بس القصه دي متكررة كتير في دول الخليج.
الحقيقة ان شرع ربنا كما وصلهولنا اهل التراث جاي متفصل علي مقاس الرجالة بالظبط بشكل غريب.
