وليش الاستهداف المقرف للمراة العراقية ؟
وليش هالاهانة والتنكيل والانتقاص والتهجم على النساء بالتحديد ؟!
خل اكوللكم فرد شي
اولا هالقانون لحماية الاسرة (يعني المراة والرجل والاولاد) مو للمراة ولا مسجل باسمها .
ثانيا القانون بطور التصحيح والتعديل لحد الان واكيد راح يكون بما يضمن التماسك الاسري ويكفل حقوق الجميع .
ثالثا اكو رجال ديتعرضون للعنف من زوجاتهم وهالقانون يحميهم .
رابعا تنمركم ع النساء وهجومكم ع القانون يدل على خوفكم من المراة القوية والقانون الي يكفل حمايتها وتريدون تبقوها تحت سيطرتكم وذلتكم
خامسا ومع الاسف ع الفنان الي عنده فن ويستغله بالتهجم على النساء والنيل من شرفهن واخلاقهن وهو اجه للدنيا وصار رسام بفضل امراة !
سادسا الخيانة الزوجية مايبررها قانون ولا نوع الجنس وانما الخيانة سوء اخلاق وانعدام الضمير وهالشي يتعلق بالانسان نفسه لا بكونه رجل ولا بكونها امراة
فكافي تشويه لصورة المراة عيب عليكم استحو وان شاء الله القانون يُقر ولصالح (الاسرة) وغصبا على كل متخلف
#منارالزبيدي
#حقوق_المرأة_العراقية
#سارة_جاسم
أرسل بريدا إلكترونيا 
