منظمات حقوقية

Superwomen stories | متقولش لبابا وماما حاضر. لو بيتعاملوا معاك كأنك حق منتفع ومشروعهم الخاص ، لو

Superwomen stories


متقولش لبابا وماما حاضر.

لو بيتعاملوا معاك كأنك حق منتفع ومشروعهم الخاص ، لو بيلغوا أرائك وشخصيتك ، لو عايزينك تحقق أحلامهم وتعيش حياتهم ، لو بيطفوا تلقائيتك ، ويكتموا صوتك ، لو بينكروا إحتياجاتك النفسية ، لو شايفين إن الحضن عيب وإظهار انوثة البنت حرام ودفنها.

لو بيكبروك على إحساس بالذنب من شكل جسمك أو أفكار وأحلامك ، لو بيوصلوا ليك إنك غلطة ، و بيسرقوا روحك منك وبيجبروك على كلية ، جوازة ، وظيفة معينة علشان ده الأفضل ليك.

لكن تقول حاضر لو بيدعموك وينصحوك ، لو بيشجعوك توصل لأحلامك اللي اختارتها بنفسك وحياتك اللي قررت تعيشها بشكل مختلف عنهم.

ومتقولش حاضر لو بتعيش حياة مش حياتك ، وأحلام مش أحلامك .. متقولش حاضر لأى حد بيسرق روحك وحياتك منك.

طب تعمل إيه لو بتتعرض لده ، تسمع كلامهم؟
تقولهم حاضر مش هكون نفسي؟

في الحقيقة لأ ، محتاج تتعلم تقول لأ وتخرج من سيطرة سلاح بر الوالدين ، بر الوالدين مش معناه تشويه نفسك تكون نسخة مكررة من حياة مش بتاعتك .. بر الوالدين الحقيقي إنك تكون نفسك وحر في إختياراتك واللي أكيد مختلفة عن إختياراتهم في الحياة.

وطبعًا ، في فرق بين إنك تقول "لأ" بأدب واحترام ، وبين "لأ" بتأفف ، لازم تحط في الإعجاب إن الزمن مختلف ، وطريقة التفكير والتطور والإمكانيات اللي عندك دلوقتي مكنتش موجودة في زمنهم ، في بعض الأوقات هتحتاج تحط نفسك مكانهم وتفهمهم وجهة نظرك وأفكارك.

حطهم جوه عينك واحترمهم .. لكن عند الأذى والضرر قول "لأ"
ترفعهم فوق راسك .. لكن لو عايزينك تعيش حياتهم واحلامهم تقول "لأ"
تشيلهم من على الارض شيل .. لكن عند التشويه من حقك تحمي نفسك.

وأخيرًا ، أيها الإنسان الجميل لازم تتعلم تقول "لأ" لأى حد مش بيعاملك كبني آدم.

كتابة: هاجر أبو العلا
# هاجر_والتوكسيك_وهواك

اترك رد

زر الذهاب إلى الأعلى