منشور قديم إلي وكأني كاتبه اليوم:
بتعرفوا ليش في ناس مع الاحتلال ضد فلسطين؟ بكل بساطة هدول ناس مسكينة عاشت سنين خجلانة من حالها ومن هويتها العربية وشايفة الغرب الله… فهاي الناس شافت انه الحل هو الانتماء لهوية تحسسهم انهم مش منا ومش بالقاع معنا ومش متخلفين زينا..
لهدول الناس أقول في ذكرى النكبة: المثقفين في الغرب إللي بتحاولوا تصيروا زيهم موقفين مع القضية الفلسطينية هي دي الصدمة إللي موقفين مع الاحتلال وانتو بتشبهوهم هم شوية أوباش عشوية يمين متطرف عشوية نازيين جدد، شوية أغبياء بعرفوش إنه في دول برة مدينتهم، بعرفوش أصلاً شو هاي فلسطين ووين بتيجي ومين إسرائيل، معظمهم بيفكر حليب الشوكولاتة جاي من بقرة بنيّة..
وأزيدكم من الشعر بيت؟؟ هدول الأوباش ما بحبوكم بيكرهوكم، بشوفوكم شوية بقر متخلفين إرهابيين بربر، في أفلامهم انتو بدائيين لسا بتتنقلوا عالجمال.. فشو ما حكيتوا ومهما تنكرتوا وحاولتوا تكونوا منهم مش حتكونوا.. حتضلوا محتقرين ومكروهين منهم.
في ذكرى النكبة أقول لكم: مش زعلان منكم ولا معصّب… شفقان وقرفان بنفس الوقت.
نيكولاس خوري | ناقد سياسي ساخر
