حقوق المراءة

. العنف ضد المرأة اله أشكال وألوان وصور ممكن يشيب شعر راسك لو تتخيلها.. كل القصة…


الحركة النسوية في الأردن

.
العنف ضد المرأة اله أشكال وألوان وصور ممكن يشيب شعر راسك لو تتخيلها.. كل القصة بتبلش معها من وهي صغيرة .. ما تربت ولا تعلمت ولا حتى بتعرف كيف تحكي لأ! ولو جربت وحكت لأ وأبدت رأيها ف هي أكيد مش متربية!
.
ومن هداك اليوم ويوم عن يوم بتتراكم الأمور وبزيد الخضوع والموافقة الجبرية على انها توافق على كتير امور بحياتها لو كان الها القرار المُطلق وحدا خيّرها أكيد حكت لأ!! بس هي ما بتعرف تحكي لأ!
هي ما تعلمت تحكي لأ!
.
وعوا بناتكم وفهموهم الصح من الغلط .. عشان لما هي تختار وتحكي آه أو لأ .. تكون فاهمه ليش وكيف اختارت!! احكولهم ما يخافوا.. بناتنا متربين على الخوف!
.
ربوا بناتكم وعلموهم يحكوا لأ!
لا لزواج القاصرات
لا للاعتداء والتحرش
لا تلمسني
لا تضرب
لا تمد ايدك
لا تطلع هيك
لا تحكي معي هيك
لا ولا ولا لكتير أمور أنا وإنتي بنعرفها كتير منيح ولازم بناتنا يعرفوا ويتعلموا كيف يحكو لأ ومتى يحكو لأ!

@simply.deema

 

 

.
العنف ضد المرأة اله أشكال وألوان وصور ممكن يشيب شعر راسك لو تتخيلها.. كل القصة بتبلش معها من وهي صغيرة .. ما تربت ولا تعلمت ولا حتى بتعرف كيف تحكي لأ! ولو جربت وحكت لأ وأبدت رأيها ف هي أكيد مش متربية!
.
ومن هداك اليوم ويوم عن يوم بتتراكم الأمور وبزيد الخضوع والموافقة الجبرية على انها توافق على كتير امور بحياتها لو كان الها القرار المُطلق وحدا خيّرها أكيد حكت لأ!! بس هي ما بتعرف تحكي لأ!
هي ما تعلمت تحكي لأ!
.
وعوا بناتكم وفهموهم الصح من الغلط .. عشان لما هي تختار وتحكي آه أو لأ .. تكون فاهمه ليش وكيف اختارت!! احكولهم ما يخافوا.. بناتنا متربين على الخوف!
.
ربوا بناتكم وعلموهم يحكوا لأ!
لا لزواج القاصرات
لا للاعتداء والتحرش
لا تلمسني
لا تضرب
لا تمد ايدك
لا تطلع هيك
لا تحكي معي هيك
لا ولا ولا لكتير أمور أنا وإنتي بنعرفها كتير منيح ولازم بناتنا يعرفوا ويتعلموا كيف يحكو لأ ومتى يحكو لأ!

@simply.deema

 

A photo posted by الحركة النسوية في الأردن (@feminist.movement.jo) on

الحركة النسوية في الأردن

الحركة النسوية في الأردن

الفكرة هي ليست أن تأخذ المرأة السلطة من يد الرجل، فهذا لن يغير شيئاً في العالم، الفكرة تحديداً هي: تدمير فكرة السلطة نفسها

مقالات ذات صلة

‫9 تعليقات

  1. اكيد مع الكلام و كمان كتير مهم نربي اولادنا انو العنف مو رجولة و انو العنف اجرام و انو مامنقبلو مشان ماتكون المراة هيي لي لازم تحمل الحمل لوحدها. في مشكلة كبيرة انو عم نربي بناتنا يكونو نسويات و ماعم نربي الاولاد ليكونو نسويين كمان. اذا ماعملنا هيك رح يضل الشرخ بالمجتمع

  2. عمرك ما تخاف من طفلك العنيد واللي بخالف رأيك و بحكي رأيه و وجهة نظره !! خاف من طفلك اللي بحكي اه ل كل شي الهادي اللي ما اله وجهة نظر
    الطفل العنيد هو الاكثر نجاحا ً

  3. ان شاء الله حنربيهم يحكو لا وما بدي وكتير امور اهالينا ما ربونا عليها وتعلمناها لحالنا بعد سنين وبعد ما مضي نص عمرنا وبعد مليون مرة سكتنا فيها لانه ما بصير ولانه عيب ولانه لازم المرأة تكون خاضعه ..لكل ام لازم تفهم انه بناتها امانة بين ايديها ولكل اب لازم يفهم انه بنته مساوية بالحقوق لولده لازم الاجيال القادمة تكون اوعى وافهم بكل شي واملنا لسا موجود بالتغيير بالاجيال القادمة

  4. بالنسبة الي ك ام لصبي عمرو 6 سنين اني علمو احترام المرأة وعلمو انو كلمة لأ يعني لأ شي كتير كتير مهم حتى لو هو بهالعمر مافهم كلامي بس بيكفيني انو ينحفر براسو ❤️

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى