الابتزاز أو التهديد الرقمي هو شكل من أشكال العنف الجنـــ-سي زادت نسبته مع زيادة استخدام مواقع التواصل الاجتماعي، وهو ابتزاز الضحية بصور أو فيديوهات جنـــ-سية تخصها، سواء كانت حقيقية أو مزيفة، والتهديد بفضحها قصاد مقابل مادي أو جنـــ-سي.
الابتزاز الالكتروني جريمة بشعة، بسببها بنات كتير حياتهم اتدمرت، وغيرهم خسروا حياتهم وانتحروا خوفًا من الفضيحة ومن أهلهم، زي بسنت خالد اللي انتحرت وهي لسه طفلة 17 سنة بسبب مجرم قرر يهددها بصور مزيفة.
القانون المصري بيجرم الابتزاز الرقمي، والمادة 26 من قانون العقوبات بتنص بالسجن لمدة متقلش عن ٦ شهور ومتزيدش عن سنتين لأي حد ثبتت عليه تهمة الابتزاز الرقمي.
لو بتتعرضي للابتزاز الإلكتروني إوعي ترضخي للمبتز مهما حاول يهددك ومتبينيش خوفك قدامه، ودا لانه مش هيسكت وطلباته هتزيد كل مرة عن اللي قبلها، وبلغي مباحث الانترنت التابعة لمنطقتك فورًا.
ولو حد بعت لك رسالة تهديد مترديش ومتفتحيش الرسالة، فورا روحي اعملي محضر قبل ما المبتز يمسحها أو يحذف الأكونت عشان مباحث الانترنت تقدر توصله بسهولة، واحتفظي ب screen record مش بس سكرين شوت (صورة).
وحاولي تتواصلي مع أي جهة داعمة زي أي مؤسسة نسوية أو شخصيات عامة موثوق فيها تحاول توفرلك دعم قانوني سريع.
حملة سامعينك بالتعاون مع تطبيق #Hiryo Hiryo هيريو
كتابة صوفيا جورجي
#العنف_الجنـــ-سي
#حياة_النساء_في_خطر
#قوانين_لحماية_النساء
#سوبر_وومن
#١٦يوم
#16DaysofActivism2022
#حملة_ال16يوم_لمناهضة_العنف_ضد_المرأة
#سوبروومن
#16days
يمكنك دعم الموقع من هنا
مؤسسة ندى لحماية الفتيات
👏🏼👏🏼👏🏼
❤️