اليومين دول ملاحظ هجوم عنيف على المذيعة الجميلة لمياء فهمى…

اليومين دول ملاحظ هجوم عنيف على المذيعة الجميلة لمياء فهمى عبد الحميد، وهى مذيعة محجبة وشيك وجميلة، ومتخصصة فى البرامج الدينية، وطبيعى ان مذيعة بتستضيف شيوخ تكون محجبة .
الحقيقة ان بينى وبين لمياء وبين اسرتى وأسرتها علاقة من عشرين سنة تقريبا، عيالها من سن عيالى وف نفس المدرسة، ومن هنا عرفتها، واللى مش عارفها هى بنت المخرج فهمى عبد الحميد إللى قدم لنا الفوازير فى عز مجدها ايام نيللى، واخوها برضه مخرج معروف هو واءل فهمى، وكانت زوجة لممثل مغمور وصاحب وكالة رؤية للدعاية والاعلان الشهيرة٠
وعايز اقول لكم ان لمياء من انقى الشخصيات إللى ممكن تقابلها ف حياتك، ولاعاملة نفسها نجمة ولا بنت فلان ولا مرات علان، بالعكس هى إللى بتخدم ع الجميع، فى أعياد ميلاد بناتى هى إللى بتعمل الحفلة وتجيب إللى ناقص من عندها، وتقف تخدم ع المعازيم سواء امى او اختى او الاطفال، وكأنها صاحبة الحفلة.
ف المدرسة إللى كانت بتعمل حفلات عبقرية وراءعة، هى إللى بتقدم الفقرات بنفس الوجه الجميل المبتسم إللى بنشوفه فى برامجها، ورغم أن الريس مرسى اختارها مندوبة التليفزيون فى القصر الجمهورى، الا انها ملهاش علاقة بالاخوان، هو اختارها عشان محجبة مش اكتر.
لمياء ست فى قمة الرقى والاخلاق والشرف، ودى نماذج لازم ندعمها مش نهاجمها ونسفه منها، ياريت كل الستات ف رجولة لمياء، وياريت كل المذيعات فى جمالها وشياكتها، وياريت نبطل نهاجم هانم مهتمة بجمالها واحنا بندعى العلمانية، سيبنا ايه للحوينى ومجانص .

يمكنك دعم الموقع من هنا
مؤسسة ندى لحماية الفتيات