السيدة التى كانت تعمل بمنزلنا والتى حكيت لكم امس ان زوجها ضربها ضربا مبرحا اتصلت اليوم وقالت انها تريد الطلاق منه وروت لى التفاصيل التالية: هى علمت امس الاول ان امها مريضة (وهذا صحيح حتى لا يقول احد اصحاب النفوس المريضة ان امها مش عيانها ولا حاجة وان جوزها يعلم هذا ويشك فى سلوكها ولذلك رفضت ان تزور امها) المهم انه امام اصرارها على زيارة امها التى فقدت النطق (وهى اليوم فى حالة افضل حيث اننى اعرف عائلتهم وان اختها عملت عندنا ايضا) صاح فيها وهددها بالضرب فقالت له (لانها متعودة على الضرب مثل غالبية نساء الارياف والطبقات “الغلبانة”) .. المهم قالت له “اضربنى بينى وبينك معلش بس مش قدام الولاد وقدام امك لأ.” (وكان اولادها (بنت 8 سنوات وولد 4 سنوات وحماتها موجودين وقت الخناقة) .. لكنه بدأ يوجه لها الصفعات واللكمات ويشد شعرها بعنف حتى سقطت على الارض فاخذ يكيل لها الركلات والشلاليط على كل جسدها وسط صياح الاطفال وبكائهم من الذعر.. اما امه فكانت تقول بكل “ميوعة” : “مش كده يااحمد.. ما يصحش يابنى”…. ولم يكتف الزوج المنحط بذلك بل طردها من المنزل قائلا: “عايزة تشوفى امك ما ترجعيش هنا تانى”.. المهم اننى قلت لها كلاما انا غير مقتنع به : طلبت منها ان تتحمل وانه فى النهاية زوجها وابو اطفالها وانه اصعب شىء ان يتربى الاطفال بغير اب… قلت لها ذلك لانى اعرف قسوة مجتمعنا وغلاظة القلوب وانعدام الانسانية وان كل اسرتها ستكون ضدها اذا طلبت الطلاق او لو تقدمت بشكوى فى الشرطة… قلت لها ذلك حتى احميها من البهدلة التى يمكن ان تتعرض لها…
يمكنك دعم الموقع من هنا
مؤسسة ندى لحماية الفتيات
لا طبعا لازم تعمل له محضر و تحبسه كمان
غلطان
بهدلة!!
ده غالبا هيقتلها يوما ما
بدل ما تخليها تعمله محضر 🤔 بدل ما تكلملها حد من المجلس القومى للمرأة 🤔 تستحمل دى لو ح يتغير انما ده لو قتلها تبقى شريكه فالجريمة
كان الأولى إنك تطلب تقابله وتنصحه ب كلمتين ينفعوه وينفعوها
ازاي قولتلها تستحمل وهي بتضرب بالشكل دا قدام ولادها مع انها ممكن تعمل محضر وتطلع ميtينه
تجمد قلبها وتترك له اولادها وتخلعه وتشوف حياتها ..
منه لله اللي بيوصي بضرب اي مخلوق مش الزوجات بس
وهي دلوقتي مش متبهدله
ازاي تتصحها بكدا بلا مجتمع بلا قرف الذكر اللي معها لا ينفع زوج ولا أب وحرام يربي أولاد لو لحضرتك كلمة معهم يا يتحاول تصلح ما بينهما لو هناك أمل أو تساعدها بالاستقلال عنه بأولادها
ايه الفائده اللي ها تعود علي الاطفال عندما يتربوا في بيت كله نكد و وسط اب يهين ويضرب امهم أمامهم سوف يكبروا كارهين لابيهم وللحياه
كان اولي انك تعرفها ازاي تكون قوية وعندها كرامة وتجرب تعمل له محضر ح تلاقيه اتحول لفأر جبان
لا اوافقك الراي
تأكد حضرتك انها حالة ضمن حالات فردية في ١١٠ مليون مصري، عندي دادة ارملة بتبدل اوقات مع بنتها المتزوجة لعامل يومية يسترزق الله، ولديها ٣ ابناء ورغم حالتهم الرقيقة الا ان الرضا والقيم المصرية والدينية تظهر دائما علي ملامحهم
الضرب عمومآ مجرم قانونآ سواء ضرب الزوج للزوجه أو ضرب أى حد لأى حد
والقاضي بيحكم بالقانون وليس بالفتوى
انت تدعو إلى الحرية يا سيدي اذا خرج شخص من بيته عاريا معولا على كلامك انه حر في تصرفاته
كيف سيكون ردك؟
العبرة ليست الضرب ولكن سوء استخدام الأحكام الشرعية
فلا تحمل الرجل(شيخ الأزهر ) فهمك الخاطئ
لا طبعا. غير انسانى انها تعيش بهذا الشكل . ظلم بين بصراحة
حاجه تحزن تسيب له الاولاد وتغضب عند مامتها بس قبل ده كله لازم حد يروح يكلمه يمكن يكسف علي دمه
مع احترامى لكلام حضرتك أنا اخالفك الرأى لا شىء يستحق الإهانة والهوان طالما أنه مش راجل ومش مقدر
مرض أمها يبقى لا يستحق الحياة معه وعلى فكرة دى لو سابت له البيت زى ما قالها هو الخسران علشان مش هيقدر لا هو ولا أمه على القيام بالتزامات وخدمة البيت .
هى لازم تروح لامها لأنها لن تتعوض وحتى لا تحس بتأنيب الضمير فى تقصيرها معها وأما هو اما احترام رغبتها وأما الطلاق .
الفوضى الإجتماعية ضاربة اطنابها في كل المجتمعات الإنسانية شرقا وغربا وإن أختلفت صورها و تداعياتها.
لا غلط حرام الست تعيش تحت رحمته وفي المذلة دي والاولاد حيطلعوا معقدين و لو عنده ولد اكيد لما يكبر حيكون مثل والده
شئ محزن جدا ..ده انسان عديم الرجوله والانسانيه كنت اتمنى ان تكون هناك طريقه لتحذيره من عاقبة فعله وخطورة تكراره…علما ان هناك نحو ٤ مليون امرأه معيله تعمل للانفاق على اسرتها وغالبا ما تكون هى العائل الوحيد للاسره فى ظروف اقتصاديه واجتماعيه وانسانيه سيئه
رأى المتواضع أنها تنفصل عنه
اولا لأنها لا تستطيع أن تستمر فى احتمال معاملة بهذه الصورة و سوف تتأذى نفسيا جدا
ثانيا بالنسبة للاولاد الأفضل أن يتربى الاولاد بدون اب مثل هذا عن أن يتربوا فى هذه البيئة
المشكلة أنها تحتاج إلى من يساندها !!!
اذا حدث هذا فهو رجل مجرم مكانه القضاء وينفذ القانون باعتداء جسدى من شخص على شخص آخر وهذا ليس له علاقة بكونها زوجته من عدمه
معقولة تشجعها علي البهدلة والذل ؟
لا يجب السكوت علي كل هذه المأساه….!!! لابد من حل… لا للخنوع و تقبل هذا ابدا
لا يا فندم تعمل له محضر هايبوس رجلها بعد كده عشان تتنازل عشان ميتحبسش وبعدها يتعلم الادب