” مينا مجدي ” الجُندي المجهول في قضية الطفل شنودة ، بعيدًا عن شِعره و كتاباته إلّي ممكن البعض يختلف عليها ، لكن إلّي يعرف مينا عن قُرب مش ممكن يختلف على إنسانيته العالية جدًا ورجولته وجدعنته في مواقف كتير أوي ، مينا صاحب موقف دايمًا وجريء وصاحب كلمة حق ومش بيخاف من حد أبدًا ، إلّي حابب أعرّف حضراتكم بيه النهاردة ، علشان كل واحد ليه دور في رجوع الطفل شنودة يأخد حقه ، وما ننساش تعب حد دوره مؤثر جدًا في القضية..
“مينا مجدي” أيها السادة.. هو أول شخص كتب عن قضية الطفل شنودة بالتفصيل بعد ما كلموه خدام من كنيسة أبوي الطفل عرفوه بالموضوع ، نشر الموضوع بمنتهى الجرُءة والشجاعة على صفحته ومن بعدها كل وسائل الإعلام نشرت ومن وقتها أصبحت قضية رأي عام وتعاطف معاها كل إنسان سوي صاحب فطرة سليمة ، ” مينا مجدي ” بلغ صديقه الكاتب الصحفي الكبير ” نادر شكري ” (الاقباط متحدون) عن القضية وفعلًا وبكل أمانة إخلاص نشر عن القضية من بدايتها إلى وقتنا هذا وكان في مُنتهى المصدقية والوضوح ، الحقيقة أنا متأكد إن ربنا بيجعل من كل شيء سبب ، ومينا مجدي ، نادر شكري ، أخواتي الكبار ، كانوا من أهم الأسباب في الإعلان والإفصاح والنشر عن قضية وموضوع الطفل شنودة ومعرفة العالم كله بيها ، فشُكرًا من القلب بجد ليكم ولمحبتكم ولمجهوداتكم الكبيرة جدًا جدًا ، ربنا يستخدمكم أكتر وأكتر ، ومليون مبروك لينا كلنا رجوع شنودة لأهله.❤️
#أبانوب_فوزي
Mina Magdy
Nader Shokry
يمكنك دعم الموقع من هنا
مؤسسة ندى لحماية الفتيات
شكرا لكل إنسان ساهم فى رجوع هذا الطفل الذى ليس له أى ذمب فيما رآه ألف مبروووك عودة شنوده لحضن أبويه
مينا مجدي..
أخ وصاحب جدع جدًا ، وإلّي بيحتاجه بيلقاه وما بيتأخرش أبدًا عن حد.❤️