قضايا المرأة

الأمهات في مجتمعنا اللي بطبعه مش سالك في أغلب الوقت بيترمي عليهم كل المسئوليات،…


الأمهات في مجتمعنا اللي بطبعه مش سالك في أغلب الوقت بيترمي عليهم كل المسئوليات، سواء مسئولية البيت وشغله الكتير، أو الأولاد وتربيتهم وتعليمهم وكل حاجة تخصهم. وبالتالي بينتج عنه تهميش للأم وبتيجي على نفسها وحياتها وشغلها عشان تقدر تقوم بكل المهام الخزعبلية دي، اللي بالمناسبة المجهود فيها مش أقل من أي شغل، ده أكتر بكتير وده بيخلي الست دايما تحت سلطة اقتصادية ومش مستقلة مالياً.

أوقات كتير لو حصل حاجة ومبقتش السلطة المالية موجودة بتضطر تتحمل مسئولية المصروفات، وده لأن كتير من الأمهات معيلات أومطلقات وبيصرفوا على أولادهم، فبيلاقوا نفسهم لوحدهم ومش قادرين يسلكوا في الشغل ولا يعملوا حاجة بيحبوها وتجيب لهم فلوس.

عشان كده التمكين الاقتصادي وإنك تتعلمي حاجات تقدري تشتغلي فيها مهم جدًا جدًا ولازم يكون أولوية .

محتاجة تعرفي انك مش لوحدك أبداً ومتخافيش تخوضي تجربة التعلم والشغل وتكسري كل القيود اللي حواليكي، وقتها
أولادك هيبصوا لك إن أم شاطرة وقدوة، وهيمنع عنك ضرر الوقوع تحت علاقات مسيئة أو معنفة عشان المعيشة .

سوبروومن بتمدلك ايدها وبتعلمك ازاي تسلكي من خلال برنامج نجاة التأهيلي: المبادرة الأولى من نوعها في مصر. لو عايزة تعرفي كل أخبار نجاة تابعينا على صفحتنا، وعلى هاشتاجز “نجاة/Nagat” تحت

#نجاة_Nagat
#نجاة_تقول
#اسلكي
#تمكين_اقتصادي_للمرأة
#سوبروومن
#لسه_في_حياتك_نجاة
#Superwomen


يمكنك دعم الموقع من هنا
مؤسسة ندى لحماية الفتيات

اترك رد

زر الذهاب إلى الأعلى