حامد عبدالصمد
فيه ناس حدود الحرية الشخصية عندهم بتقف عند حرية لبس الحجاب أو حرية ممثل انه ما يلمسش ستات في مسلسلاته ، لكن أي حرية أخرى لا تعنيهم .. طبعاً كل واحد له الحرية يلبس اللي هو عايزه ويلمس أو ما يلمسش اللي هو عايزه .. لكن المشكلة ان نفس اللي بيصروا على حرية لبس الحجاب والنقاب وحرية الممثل انه يعمل فن “نظيف” هم اللي بير بيرواوا حرية الآخرين في إنهم وهم مثليين أو ملحدين وحريتهم في أنهم ينتقدوا ثقافة الحجاب أو النقاب أو ينتقدوا تصرف الممثل اللي مش بس له علاقة بحريته الشخصية ، ولكن بحرية السيناريست والمخرج والمنتج والممثلين الآخرين .. ممكن الممثل يرفض العمل ، لكن مش من حقه يغير عمل فني كامل عشان يكون مسلسل لا يخالف شرع الله …
الحرية مش انك بس رأيك ، ولكن ان الرأي دا يتسمع. الحرية مش انك تعمل اللي انت عايزه من غير ما حد ينتقدك ، لأن مفيش فكرة أو عمل ليهم حصانة ضد النقد .. ودا للأسف اللي بيحصل مع اللي بينتقدوا الدين أو مع المثليين أو البنات اللي بيعملوا كليبات على تيكتوك .. ودول أول ما يتحبسوا بيكون رد أنصار حرية الحجاب والفن النظيف هو انهم يستاهلوا عشان لم يلتزموا بقيم المجتمع … ممثل الفن النظيف أخذ شوية نقد بربع جنيه وحفاوة لديها ب ١٠٠ مليون وما جرالوش حاجة .. هو دا الفرق!
الحرية لا تتشكل .. عايز تنتقد الفن الهابط والإلحاد والمثلية ونقد يوسف الشريف ونقد الحجاب اتفضل انتقد ، لكن تتحقق مع القهر عشان على هواك وما تفتكرش الحرية غير بس لما تكون عايز تحمي اخوتك في الله ، كدا تبقى منافق ولا علاقة لك من قريب أو بعيد بالحرية !
