هاتستغرب جدا من حياة المفكرين والعظماء الخاصة اللى بتختلف كتير جدا عن صورتهم أدامك.
سقراط أعظم فلاسفة اليونان كان بيضرب بالشبشب من مراته، وتطرده من البيت عادى جدا، وشايفاه صايع بيعلم العيال الإنحراف، وتكب الطبيخ فوق دماغه هو وتلاميذه وتسبهم سباب فاحش، وهو يضحك ويطلع يجرى أدام الشبشب بتاعها.!!!
نيتشة إله القوة والعظمة فى الكون فى الحقيقة هو شخص مريض ضعيف الصحة مرفوض من النسوان، وكل تجاربه إنه مرة دخل بيت دعارة وجاب له مرض جنسى، وفضل يحب فى مرات صديقه فاجنر حب من طرف واحد، ولما اتقدم لبنت يهودية رفضته بوقاحة، وفى النهاية اتجنن ومات فى السراية الصفرا.
عندنا هنا نجيب محفوظ مهذب ومتواضع جدا، وجبان جدا، وكل عظمة نجيب محفوظ الفكرية أقل بكتير من إمكانياته……….
إمام عبد الفتاح مغرور جدا ومتعجرف، دة فى الظاهر، فى الحقيقة هو راجل طيب جدا وكريم وعاشق للفكر والثقافة وخدمة الناس، ولكن………..اوعى تقرب منه.
يوسف زيدان، رمة فى كتاباته ورمة فى حياته بلا فرق يذكر.
يبقى طارق حجى والمعروف عنه إنه بيطرد الناس من على صفحته لو فكروا بس يعارضوه، ويعاكس أى أنثى ولو كانت المرحومة أمينة رزق، ورمة ف أخلاقه الجنسية، بس مبدع فى كتاباته، وكان رئيس أكبر شركة فى العالم تحت ايده 160 ألف موظف على مستوى العالم، شركة شل للبترول، فى الطبيعة بيسموه برنس المثقفين، لو خرجت معه تلاقيه يسيبك انت تحدد تروح فين وتقابل مين، ويمشى ورا رأيك بكل تواضع، وساعة الحساب يصر يدفع وماحدش من المجموعة كلها يدفع جنيه واحد فى حضرته………….
نسيت وديع الصافى أعظم وأقوى صوت عربى، وبخيل لدرجة العفن، وعمره ماجاب لى شريط كاسيت هدية، ولما تتصور معاه تدفع خمسين جنيه، على عكس نور مهنا أطيب وأكرم مطرب عربى، ويعزم كل الناس على اكل وشرب ويجيب لنا هدايا كل مرة ييجى فيها.
مش عارف ينفع نضيف البأف خالد سليم للعظماء دول، دة فلسطينى رمة وكان شحات بندفع له ربع جنيه تمن فنجان القهوة فى الأوبرا، وفى الآخر يشوفك يتعالى عليك ويعمل مهم.
على الحجار، من أطيب وأنبل المطربين، وكان ممكن يبقى إله للطرب لولا السكر والنسوان، كنا بنسكر فى بار إسمه اوديون هو اللى فتحه فى نص التمانينات مع سيمون ………….
مبارك؟ رمة فى الحكم وفى الطبيعة، جلالة الملك حسين؟ أعظم مما قد نصفه بكثير، متواضع، مهذب، جميل، قوى، ملك ابن ملوك فعلا، ولا يقارن بكل رمم مصر…………
عمر خيرت، تواضع الملوك، يعنى بعمل نفسى متواضع عشان ترفعنى على كتافك وتهتف: نموت نموت ويحيا عمر، ب مبد عظيم قطعا.
الناس مش هاتخلص بس نختم بمعالى الوزير محمد فايق وزير الإعلام الناصرى ورئيس منظمة حقوق الإنسان الأفروآسيوية، وآخر رجال ثورة ناصر، والحقيقة راجل مهذب وابتسامته إبتسامة طفل، بس جبان جدا، ولما جبت سيرة السعودية خاصمنى زى العيال وادانى ضهره.!!!
يمكنك دعم الموقع من هنا
مؤسسة ندى لحماية الفتيات
