.
وصلتنا اليوم هذه الرسالة مرفقة بالفيديوهات المنشورة أعلاه، والتي قمنا بتحوير وجه الضحية فيها حفاظاً على خصوصيتها:
“السلام عليكم
ما بعرف صراحة شو بدي احكي او شو اكتب من مبارح عم بفكر شو بدي ابعتلكم بس عشان لو صار شي احكي اقل ما فيها عملت شي، الموضوع شوي طويل عشان اوصفه لكنه اصعب بكتير من الوصف
انا سكان #اربد وبدرس بالجامعة مبارح وانا مروحة من الجامعة نزلت بشارع اسمه #شارع_الهاشمي كنت بسمع صوت صراخ ست رحت اشوف الصوت شو سببه بين السيارات لقيت زلمة ماسكها من شعرها ويضرب فيها وبإيده بنت صغيرة، معرفتش شو اعمل خاصةً انه كان في رجال بالشارع متوقعه انه حدا منهم يتحرك لكن محدش تحرك ولا حتى رنوا على الشرطة والواضح انها مرته بدها بنتها منه، حرفياً ضلت تلحق وراه عشان تاخد بنتها وهو بكل مرة تلحق فيه يضربها ويشدها من شعرها وهي بتستنجد بالناس حدا يساعدها او يخبر الشرطة وتحكي بالحرف رح يقتلني انا والبنت
انا مقدرتش اضل واقفة متفرجة صورت ومن صدمتي بالمشهد خطي مفصول ما خطر على بالي اتصل على ٩١١ حتى وخطي مفصول، كان في ولد من اللي واقفين يتفرجوا قاعد يسب عليه ومش عاجبه الي بصير فطلبت منه اخد موبايله اتصل على الشرطة وفعليا اتصلنا واخدوا الموقع، لكن بعرفش فعلياً اذا اجو أو لأ
بالنسبة للست انا والولد ضلينا نلحق فيهم لحد ما وصلوا #مخيم_اربد، تقريباً وصلنا لبيته بس خفنا ندخل بين الدخلات ووقفنا على راس الشارع قدام محل خرده
صاحب المحل شافنا وطلع يفهم شو في، وبس فهم منا صار يحكيلنا اذا دخل من هالدخله مستحيل يطلع عايش بقطعوه، هاي الحارة ضريبة مواس وبسكروا، قلتله هيو هو جوا قاعد بفوت وبطلع من هالدخله وهي ضلت لاحقيته لعند ما فات هالدخلة يلي موجود فيها بيته بس ضلت برا على الشارع خايفة تدخل مرمية حرفياً على الارض
الزلمه واضح انه مجرم حسب كلام صاحب المحل لما وصفناله شكله عرفه، وبالحرف الواحد حكى هاد #خلدون ومحدش بقدر يعمل معاه اشي ولا حتى الشرطة نفسها !
بحكيله طيب رح يضربها ويقتلها حكالي رح يقتلها هاد #خلدون، ومع انه كان هيساعدنا بتوصيف الشارع للدورية لكن لما عرف انه #خلدون تراجع “خاف” حكالي هي مرته ما دخلنا
انا هون معرفتش شو اعمل غير اني اطلع من هالحارة خفت مضلش اشي قدامي اعمله، ولحد الآن مش مستوعبه الي صار والي سمعته من صاحب المحل عنه”
🔴 نناشد الأجهزة الأمنية @jo_police بمتابعة حالة السيدة، والتأكد من سلامتها وسلامة ابنتها وحمايتهما، مع ضرورة اتخاذ العقوبات الرادعة بحق المعنف ومنعه من الاقتراب من مكان اقامتهما
“السلام عليكم
ما بعرف صراحة شو بدي احكي او شو اكتب من مبارح عم بفكر شو بدي ابعتلكم بس عشان لو صار شي احكي اقل ما فيها عملت شي، الموضوع شوي طويل عشان اوصفه لكنه اصعب بكتير من الوصفانا سكان #اربد وبدرس بالجامعة مبارح وانا مروحة من الجامعة نزلت بشارع اسمه #شارع_الهاشمي كنت بسمع صوت صراخ ست رحت اشوف الصوت شو سببه بين السيارات لقيت زلمة ماسكها من شعرها ويضرب فيها وبإيده بنت صغيرة، معرفتش شو اعمل خاصةً انه كان في رجال بالشارع متوقعه انه حدا منهم يتحرك لكن محدش تحرك ولا حتى رنوا على الشرطة والواضح انها مرته بدها بنتها منه، حرفياً ضلت تلحق وراه عشان تاخد بنتها وهو بكل مرة تلحق فيه يضربها ويشدها من شعرها وهي بتستنجد بالناس حدا يساعدها او يخبر الشرطة وتحكي بالحرف رح يقتلني انا والبنت
انا مقدرتش اضل واقفة متفرجة صورت ومن صدمتي بالمشهد خطي مفصول ما خطر على بالي اتصل على ٩١١ حتى وخطي مفصول، كان في ولد من اللي واقفين يتفرجوا قاعد يسب عليه ومش عاجبه الي بصير فطلبت منه اخد موبايله اتصل على الشرطة وفعليا اتصلنا واخدوا الموقع، لكن بعرفش فعلياً اذا اجو أو لأ
بالنسبة للست انا والولد ضلينا نلحق فيهم لحد ما وصلوا #مخيم_اربد، تقريباً وصلنا لبيته بس خفنا ندخل بين الدخلات ووقفنا على راس الشارع قدام محل خرده
صاحب المحل شافنا وطلع يفهم شو في، وبس فهم منا صار يحكيلنا اذا دخل من هالدخله مستحيل يطلع عايش بقطعوه، هاي الحارة ضريبة مواس وبسكروا، قلتله هيو هو جوا قاعد بفوت وبطلع من هالدخله وهي ضلت لاحقيته لعند ما فات هالدخلة يلي موجود فيها بيته بس ضلت برا على الشارع خايفة تدخل مرمية حرفياً على الارض
الزلمه واضح انه مجرم حسب كلام صاحب المحل لما وصفناله شكله عرفه، وبالحرف الواحد حكى هاد #خلدون ومحدش بقدر يعمل معاه اشي ولا حتى الشرطة نفسها !
بحكيله طيب رح يضربها ويقتلها حكالي رح يقتلها هاد #خلدون، ومع انه كان هيساعدنا بتوصيف الشارع للدورية لكن لما عرف انه #خلدون تراجع “خاف” حكالي هي مرته ما دخلناانا هون معرفتش شو اعمل غير اني اطلع من هالحارة خفت مضلش اشي قدامي اعمله، ولحد الآن مش مستوعبه الي صار والي سمعته من صاحب المحل عنه”
🔴 نناشد الأجهزة الأمنية @jo_police بمتابعة حالة السيدة، والتأكد من سلامتها وسلامة ابنتها وحمايتهما، مع ضرورة اتخاذ العقوبات الرادعة بحق المعنف ومنعه من الاقتراب من مكان اقامتهما
نفس الأشخاص لو شافوه يحضنها ويبوسها بالشارع لكانوا تدخلوا وصورهم وطلبوا الشرطة…لكن لما يهينها او يضربها بيكون عااادي وهو حر! منطق العرب
و بطالبو بفتح الحدود ليحرروا الاقصى و هنن شقفة ازعر مو قادرين يوقفو بوجهو حسبي الله بس
شلون يعني ماشي كل هالطريق ويضرب فيها ومحد تدخل!! واضح مو هامه احد .. قلبي وجعني عليها وعلى الطفله ياحرام كل هالشي يصير قدامها
ما عاد فيه رجال كل ذول واقفين ومحد تكلم يوم القيامه مو من فراغ
حسبي الله فيك يا خلدون، انا مصدومة من رد فعل “الرجال” اللي ظاهرين بالفيديو و خلف الكواليس بالقصة!!!
يا عمي انا مو فاهمة هدول زلام؟ ولا حدا فيهم عنده نخوة
الكومبارس اللي واقفين بالشارع بتفرجوا شو وضعهم!
سقط اللي شافو هالمنظر وظلهم ساكتين، مين خلدون والله والطقاعة وشو الشرطة مش قادرة تعمل اشي ؟ احا لا هيك كثير !!!
ما شاء الله وبتحكولي بلد النخوة والشهامة
طيب شو صار معها ؟؟ يارب يكونوا بلغوا الشرطة .. حسبي الله واقفين بشواربهم يتفرجوا تفي بس
ما شاء الله غابة
واذا يعني إسمو خلدون؟ هذا ما يعني انه الشرطه ما تقدر تمسكو او حد من هاللي رجولتهم ناقصه واقفين بس بيتفرجو بدال يساعدوها !!!!! إذا مش مشانها مشان الطفله طيب!؟
لازم قبل الزواج يكون في دكتور نفسي يقيم الزوج والزوجه ازا مافيهم امراض نفسية لانه صار الوضع مقرف والاولاد ضحايا امراض اهلهم
ما شاء الله
حتى الشرطة مش قادرة عليه؟
ربنا قادر عليه
حسبي الله ونعم الوكيل