بأرقام قياسية تطل علينا الدراما الرمضانية في ٢٠٢٣ بافتتاحيات متشابهة من خلال “هوجة تعدد الزوجات” وهي بالنسبة للصُناع دليل على “فهلوة” البطل أو “فحو.لته” أو حتى “يا ابن اللذينا عملتها إزاى دي؟!” متبوعة بنظرات فخر واعجاب.
يأتي في الصدارة، المسلسل الدرامي ” #جعفرـالعمدة” من بطولة “محمد رمضان” و”زينة”. في المسلسل، يستخدم “التعدد” كإشارة لذكاء البطل القوي المغوار ومحاولة تقديمه في صورة رومانسية حالمة:
{ قسمًا بالله قلبي قالي انك هتوافقي وكنت متاكد انك هتوافقي وفيه حاجه كمان عايز أقولك عليها
= ايه تاني
– انا متجوز
= ايه !!! انا مستحيل ابقي زوجة تانية انت بتهزر
– تانية ايه ، لا انتي الرابعة أصل انا متجوز تلاتة}
ومن جانب أخر، تطل علينا شخصية “حسن” المفتقدة “أ.ب” مهارات قيادة أو تواصل في مسلسل #المداح الجزء الثالث بمفاجأة في الحلقة الأولى. يصل “حسن” لفيلا زوجته التي ولدت حديثًا وهي لا تشك في شيء؛ سواء عدم سؤاله عن الطفل الذي طالما تمناه في حياته أو مدة السفر الطويلة، ب”أحلام” ويحاول أن يعرفهما على بعض ببراءة شديدة وهو مندهش من انفعال زوجته الأولى التي لم يحاول حتى اخطارها بقراره!
المثال الأخير، أو نأمل أن يكون الأخير، يأتي داخل سياق كوميدي في المسلسل الشهير #الكبيراوي في جزئه السابع. أحب الجمهور المسلسل من بداياته في ٢٠١٠ واعتبروه جزء من المائدة الرمضانية بشخصياته التي يلعبها “أحمد مكي” و”محمد سلام” و”دنيا سمير غانم” حتى انضمام “رحمة أحمد” العام الماضي. افتتح الكبير أول حلقة بزواج جديد من “لورديانا” ومقارنة شخصية مربوحة بها.
من جديد، يقدم الكبير نموذج التعدد في قالب كوميدي تغير فيه السيدات من بعضها، لكنه كذلك يقدم مثل #المداح التعدد كحق مطلق للرجال وعدم مشاركة القرار بين الأطراف المعنيين!
ازداد الوضع سوءًا من خلال إضافة التتبيلة الكوميدية لوضع تعتبره أكثرية النساء مهينًا لهم من خلال مجموعة جمل مثل:
“انتى طيبة وبنت حلال بس انا طهجت منك” أو مغازلة الطبيبة “نور” أمام الزوجة الموجودة بالفعل: “ده أنتي أحلى من حلاوة المولد” وغيرها.
والسؤال أخيرًا لماذا نقدم التعدد كمادة سخرية ونجاح؟ لماذا تُحرم النساء من اختيار الاستمرار في العلاقة أو إنهائها في حالة التعدد؟
الضحك على أوجاع النساء ليس فخرًا.
#مرصد_دراما_رمضان
#ملخص_مسلسلات_رمضان_٢٠٢٣
#تعدد_الزوجات
#لا_لتعدد_الزوجات
#قسم_السينما_والدراما
#سوبروومن
يمكنك دعم الموقع من هنا
مؤسسة ندى لحماية الفتيات
مقاطعة العك ده من زمان ، احنا الي بنعمل للانحطاط ده قيمه لما بنتفرج عليه و ده الي جرأهم وخلاهم يكرروه سنه ورا سنه
عقليات منتجين الافلام والمسلسلات فى مصر كلها على قدها…لا محصله دين ولا محصله علم…مبناخدش عليهم…بيسترزقوا على قفا اللى بيتابع الكلام ده.
و ايه المشكلة في التعدد هو الإسلام حرمه او منعه وكمان التعدد ليه شرط مذكور في القرآن هو العدل ولو الزوجة تضررت ضرر مادي حقها تطلب الطلاق بكامل حقوقها ولو تضررت ضرر نفسي صعب اثباته ترفع دعوي خلع وتنفصل وترجع المهر ولو موافقة بالتعدد ايه الحرام في كده
التلات مسلسلات يقرفوا عموما ولا قصة ولاحوار ولا تمثيل
مشاكل مسلسلات رمضان
الورق ثم الورق ثم الورق عندنا أزمة كبيرة في الكتابة وفي مستوي الحوار ، وبعد كدا يجي دور المخرج في توجيه الممثل وده مش موجود إطلاقا والحقيقة ممثلين كتير انا عارف قد إيه هما شطار لكن غياب التوجيه ضيعهم ، وطبعا ولأن العملية الإنتاجية عندنا فيها مشاكل وفي ضغط كبير ع المخرج في أنه يخرج وقت اهم من أنه يخرج جودة والمخرجين بيكون الطلب عليهم لما يكونوا بينجزوا وقت في اللوكيشن ويخلص المسلسل في الأيام المتفق عليها، ده اللي بيخلي المخرج يركز في الصورة والتصوير ويسيب الممثل لنفسه ، عشان كدا عزيزي الممثل في ظروف الشغلانة الصعبة دي مهما كان دورك صغير او كبير لازم يكون عندك حد بتشتغل معاه ويراقبك ويوجهك لأن شطارتك لوحدها مش كفاية
ولازم كل حاجة تكون معمولة بحساب ، ومخرجين قليلين جدا جدا جدا اللي بيركزوا في الأداء والتفاصيل
فعلا حاجة مستفزة جدا خاصة الكوميدي مش شايفة ايه الكوميديا ف كده
كلها مسلسلات وحشه فتحت كام تمثليه شوفت حته من الحلقه وقررت ارجع تاني لمسلسلاتي التركيه
الكلام ده لسه جاى فى دماغى حالا برافو عليكم ♥️
براڤوا ❤
👏🏻👏🏻👏🏻
صحيح 👏
تسلم ايديكم❤️
♥️♥️👏
محتاجين حملة مقاطعة المنتجات فى المسلسلات
دى .
يعنى المنتج لن يدخل دخل من الإعلانات او من يشترى المسلسل لن يكسب من الإعلانات.
و مقاطعة اى ممثل يوافق
على دور زوج او زوجة فى تعدد للزوجات .