أنا عُمري ما حبيت السياسة ولا الكلام فيها، بس بجد مِن قلبي عايز أقول الراجل ده بيحب مصر بجد وبيخاف عليها ونفسه يشوفها أحسن حاجة بس الظروف مش مساعداه، راجل جدع وابن بلد وأمين، وعايز يعمل ويعمل ويعمر ويعلي ويخلي البلد دي أحسن من أي بلد في الدنيا لأن دي مصر يا جماعة وهو عارف قيمتها كويس أوي، أنا شايف إنه مالوش أي مصلحة مِن حُكمه لمصر خاصةّ في سِنه ده إللي ربنا يعطيه العمر قرب على الـ ٧٠ غير أنه عايز يكمل رسالته لاخر نفس وبأمانة علشان سؤال ربنا ليه، مش آخد مِننا كشعب غير زيادة الحِمل والضغط عليه والغلط فيه ليل نهار مِن غير علم أو معرفة بأي شيء(فتايـين)، ده غير التشكيك في نزاهته وإخلاصه للبلد.. ليه كده يا جماعة؟! أصل احنا كده ما بيعجبناش العجب فعلًا، وعمرنا ما شكرنا حد ولا اتفقنا على حد، بس للأمانة هيجي يوم وهنعرف قد إيه الراجل ده عظيم وعمل وأنجز كتير وكتير أوي كمان، كفاية أنه طول المدة دي بيصلح إللي أفسدوه إللي قبله، الصورة دي مؤلمة جدًا وأنا حزين لما أشوف رئيس جمهوريتنا بالمنظر ده إللي بيعكس كم الضغوطات والتحديات إللي بيواجهها مِن غير ما يشكي ويقول لحد حاجة، ربنا يعينك يا ريس ويديك على قد أمانتك وإللي في قلبك، ربنا معاك وكلنا معاك، أزمة وهتعدي يا ريس زي ما عدينا معاك وبيك حاجات قولنا مستحيل تعدي في يوم وبفضل الله وبفضلك عدت على خير وأهم شيء هيخلد في التاريخ ليك هو قضاءك على الإرهاب نهائيًا، مسيرها تنتهي يا ريس .. ربنا معاك❤️❤️❤️❤️❤️❤️❤️
#أبانوب_فوزي
AbdelFattah Elsisi – عبد الفتاح السيسي
يمكنك دعم الموقع من هنا
مؤسسة ندى لحماية الفتيات
لما تمسك بلد فيها ١١٠ مليون خبير في كل حاجة 🥲
الصورة دي مش عاجباني ومزعلاني جدًا عشان بتلخص كل اللي بيشوفه عبد الفتاح السيسي في الوقت الحالي ،
ضغوط اقتصادية ضخمة من القريب قبل الغريب ، إعلام اقليمي ودولي بيشكك في اي حاجة ، هبيدة السياسة الداخلية والخارجية اللي ما بيصدقوا يشوفوا اسم مصر في اي خبر فيعملوا عليه ١٥ حلقة يوتيوب ، نشاط عملاء الحريات والديموقراطية ، تحديات في السودان وليبيا وحرب في شرق أوروبا وفي حرب زيها بتجهز في وسط افريقيا ، الدايرة بتضيق كل شوية ومحدش عايز ياخد باله!
والأهم إن محدش فاهم ولا عايز يفهم في نفس الوقت ، محدش بيكلف خاطره ويفتح الخريطة ويترجم الأخبار اللي بيسمعها ويشوف إنعكاساتها إيه على مصر وعلى اقتصاد مصر!
ربنا معاك يا ريس ، أصعب من كده وعدينا منه بفضل الله ، شوف الصح ايه واعمله وهتلاقينا كلنا معاك بإذن الله تعالى 🇪🇬🇪🇬❤️
Copy
أنا مش بطبل لحد، دي حقيقة وده إللي في قلبي قدام ربنا، أنا مش محتاج أطبل لحد ولا ليا مصلحة مع حد، وأنا بحب الراجل ده جدًا جدًا وكُل القريب مني عارف ده كويس.. بنحبك يا ريس.❤️