لواحظ وليلي وزنوبة ونسمة وندى
اسماء البنات فى الغناء المصري: (2 من 2)
وحول “زوبة” وهو اسم الدلع لزينب فيغنى فوزى ايضا: “يا ولاد بلدنا يوم الخميس حكتب كتابى وابقي عريس/ حكتب كتابى ع الحلوة زوبة/ وافقت عليا من خطوبة/ وابوها قاللى ليه السؤال وانت ف بلدنا زينة الرجال”
أما “زنوبة” وهو غالبا اسم الدلع لزينب – وكانت أمى رحمها الله اسمها زينب- فقد غنت لها صباح من لحن فريد الاطرش “طقطوقة جميلة: “زنوبة حلوة وخفة وحبوبة شوبش يا حبايب زنوبة زنوبة” أما زينة فقد غنى لها فريد الأطرش أغنية رائعة تقول:” زينة زينة زينة غالية علينا زى ضى عنينا/والله زينا والله تشتهيها العين لولا خوفى من الله لأقطف الخدين/ اللى نورهم خلى حر قلبي ضلة والصحرا جنينة”
أما “بوسى” و”سعاد” فقد جمعهما فوزى الساحر فى اغنيته طماما زمانها جاية”وفى يوم جاب كام عود ولعهم واخته بوسي كانت شايفاه/ وسعاد ابلة زعلت منها خالص من شهرين/ ما بتحفظش الدرس وتكدب وكمان ضاع منها كتابين” وغنى محمد رشدى عن “وهيبة” من كلمات الأبنودى ولحن عبد العظيم عبد الحق: “تحت السجر يا وهيبة ياما كلنا برتقال/كحلة عينيك يا وهيبة جارحة قلوب الجدعان” وعن “عدوية” يغنى رشدى ايضا من كلمات الابنودى ولحن بليغ:”اسقينى يا شابة وناولينى حبة مية/اسم النبى حارسك اسمك ايه ردى عليا/ عدوية آه ياعدوى اوعوا تحلوا المراكب والله ياناس مراكب/ولا حاطط رجاى فى المية الا ومعايا عدوية” وعن “سنية” يغنى فؤاد المهندس من كلمات قورة ولحن الجاهلى: “ياسنية فين لياليكى الهنية؟/شوفنا ايام حب هايلة زى ايام قيس وليلي ارحمينى من حنينى دانت كلك انسانية” وعن “نورا” –ويقال أنه اسم الدلع لملكة مصر السابقة ناريمان وكانت حدوتة كبيرة” غنى لها فريد الأطرش”نورا نورا يا وردة نادية ف بنورا/اسمك على رسمك صورة م القمراية يا قمورة” وعن “نعيمة” غنى رشدى: “قلت لنعيمة انسي حسن يا نعيمة/خدى ابن عمك طول وعرض وقيمة”، اما عن “بهية” وهو اسم اطلق على مصر كلها يغنى الشيخ امام من تلحينه وكلمات نجم:”مصر يا امه يا بهية يا ام طرحة وجلابية/الزمن شاب وانتى شابة هو رايح وانتى جاية” ويغنى لها أيضا محمد العزبى:”بهية وعيون بهية كل الحكاية عيون بهية” وعن “نوسة” تغنى شا دية من تلحين عبد الوهاب:”بنت يا نوسة شايلة البسبوسة/والله احلويتى وكبرتى وبقيتى عروسة” وعن “عزة” يغنى الشيخ امام من كلمات نجم:”الغرام فى الدم سارح والهوى طارح معزة/والحنين للقرب بارح والنوى طارح ياعزة/يا ابتسامة فجر هان بددت ليلي الحزين/ياندى الصبح المسأسا فوق خدودى الدبلانين” ويغنى “للينا” وهى شهيدة فلسطينية:”لينا لؤلؤة حمراء تتوهج فى عقد الشهداء/لينا غنوة حب وفداء غنتها ارض فلسطين” وعن “سلمى” يغنى إمام ونجم ايضا:”أنا عشقت سلمى وغانم هواها/وانا لما باعشق مابرجعش اتوب/وانا اللى ف هواكى سبقت المعاد ياسلمى ياعشق البنات والولاد وطلعت صورتك فى كل البلاد/وكبرت فيها الامل فى اللى جى”
ول”تمر حنة” تغنى فايزة من كلمات جليل البندارى ولحن الموجى:”ياتمر حنة خليتى بينا وبعدت عنا/الورد كله كسى الجناين واشمعنى انتى اللى شاردة منا”
أما عن “قطر الندى” تلك الفتاة الرائعة التى زوجها ابوها “خمارويه بن طولون من الخليفة العباسي، فتغنى شادية من كلمات مرسي جميل عزيز ولحن الموجى”الحنة يا حنة ياقطر الندى/ياشباك حبيبي ياعينى جلاب الهوى”
ومن اسماء بنات التاريخية فيغنى العزبى من كلمات صلاح جاهين ولحن على اسماعيل”حتشبسوت حتشبسوت قفلوا عليكى ياحلوة تابوت” اما “كليبواترا” العظيمة فقد صنع لها عبد الوهاب صرحا رائعا من كلمات على محمود طه:”كليوباترا .. اىُ حلمٍ من لياليكِ الحسانِ/طاف بالموجِ فغنّى وتغنّى الشاطئانِ/وهفا كلُّ فؤادٍ وشدا كلُّ لسانِ/هذه فاتنةُ الدنيا وحسناء الزمانِ” … وعذرا لمن لم تسعفنى الذاكرة بأغانيى اساميهم
….. ويسعد أوقاتكم
يمكنك دعم الموقع من هنا
مؤسسة ندى لحماية الفتيات
