كتّاب

اللى راح منكم طابا قبل كدة، هايبقى عارف إن فيه قبلها بخمسة…


اللى راح منكم طابا قبل كدة، هايبقى عارف إن فيه قبلها بخمسة كيلو تقريبا كمين ثابت، دة حرفيا بيقلعك هدومك عشان يرضى تدخل منطقة حدودية زى طابا، جنب الكمين دة ع البحر وف أجمل موقع، عيلة سياج اللبنانية إشترت حتة أرض من المخابرات- المخابرات بتملك الأراضى من طابا ل نويبع، حوالى خمسين كيلو- وراحت بنت عليها مجموعة قصور فخمة كانت لسة تحت التشطيب تقريبا سنة 2000 ، ويقال إن سياج كانوا هايعملوا مرسى يخوت للرحلات بين طابا – إيلات- العقبة، يعنى مشروع سياحى رائع ومكلف .
جنب المنطقة دى بكام متر مهبط الطيارة الهليكوبتر بتاعة الريس مبارك، ويبدو إن علاء وجمال شافوا المشروع وبعتوا ل آل سياج إحنا معاكم شركاء بالنص، وإلا………..
سياج مش بس مليونيرات وتجار شاطرين، دول على علاقة وثيقة مع اليهود، وف عز أزمة التطبيع ومصر خايفة تستقبل اليهود، كان فندق سياج بيراميدز اللى جنبى ف المريوطية هو متعهد إستقبال اليهود فى مصر، يعنى حماية من كل نوع.
سياج رفضت المساومة- زى ألاد رجب دلوقتى مارفضوا المساومة وبيقفلوا- وسابت القصور وقفلت الفندق وطلعت على هولندة ورفعت قضية دولية ضد الدولة المصرية، طب وكانت إيه النتيجة؟
مصر دفعت 700 مليون دولار تعويض ل آل سياج على بلطجة الجوز عيال ولاد رئيس الجمهورية…………..
والفندق خرابة للنهاردة، والقصور خرابة أخرب منه، واحنا اللى دفعنا التعويض وخسرنا سمعتنا ومشروع سياحى يدخل مئات الملايين للدولة المنكوبة بالحكام السفلة………..
وإليك- وحدك- يالله المشتكى …………….



يمكنك دعم الموقع من هنا
مؤسسة ندى لحماية الفتيات

‫20 تعليقات

  1. كانت ايامه جميله وكلها فلوس راح وراحت الفلوس يكفى الواحد كان يحب المشى انزل على هناك مشى وارجع مشى والله فكرتنى يا مولانا لى ٣ سنين ماعدتش قدامه انزل اتمشى وارجع الزكريات الجميله

  2. خلاص انتهوا تماما، وادى نتيجة ممارسات البلطجة، وبعدين مين العيلة المختلة ده اللى راعبة مصر كدا ومدمرة الدنيا بالطريقة ده؟!

اترك رد

زر الذهاب إلى الأعلى