»تخيل كدا قابلتك فى الشارع لقيتك لابس بنطلون مقطع وسلسلة وعشان دا شئ بيستفزنى قمت ضربك بالقلم وانت اعترضت، فا رديت عليك بقلم تانى ما انت بالنسبالى خ$ل وبتستفز مشاعر الرجولة عندى، وبعد ماهنت كرامتك ومعرفتش تاخد حقك بالقانون، وعشان انا مبحبش الشوشره ووجع الدماغ خدتك فى السر وقولتلك متزعلش دا انا بهينك وبعمل كدا من باب المحبه والنصيحه، انت اى شعورك او ردة فعلك بعد الموقف دا….اهو دا نفس ال حصل مع السيدة المسيحية وعشان تبقى على علم بالموقف نفسه
»فا ال حصل: ان السيدة المسيحية دخلت صيدلية عشان تشترى علاج فالدكتور #الصيدلي ال هو واقف جنب القسيس على ايده اليمين فى الصوره ال وشه نازل عليه غضب ربنا دا يرد عليها ويقولها انتى مسيبه شعرك ولابسه كدا لى، ولما السيدة اعترضت على كلامه ضربها بالقلم على وشها مرتين ورا بعض، ساعتها خرجت من الصيدلية معيطه ومنهاره وراحت قدمت فيه بلاغ وهو عشان يدارى على الموضوع لغرض انانى راح يعمل قعدة صلح ف الكنيسة
»دا لا يقال عليه الا ان هو سلوك همجي قذر مرفوض حتي لو الست دي كانت مـ///ــلمه محدش ليه اى حق الوصايه والتدخل فى حياة شخص تانى فما بالك أن الست دينها غير دينك أصلا فبتحاسبها علي ايه يا نطع انت، ولو انت شايف ان ال حصل دا موقف عادى عشان متناسب مع أفكارك و معتقداتك يبقى انت انسان غير سوى او مش انسان اصلا ومحتاج تراجع نفسك وتراجع افكارك ال خليتك كدا.
»المفروض الصيدلى دا يبقى مكانه السجن او ينال نفس العقاب مش جلسة صلح او قاعده عرفيه، تخيل كرامتك تضيع وترجعها فى قاعدة صلح والاصعب كمان انك تعمل كدا وانت مجبور لاجل ان ال حواليك مفهمينك ان فى كوارث هتحصل لو ماتمش الصلح وفى الموقف دا كانوا مفهمينا ان فى فتنه هتحصل عشان هى مسيحية وهو مـ///ــلم.
»ماينفعش اهين كرامتك واكسرك قدام نفسك او قدام اى حد وماخدش نفس العقاب او اكتر وبمجرد ما اعمل قعدة صلح وبدون إرادتك يبقى كل شئ انتهى وانت كدا خدت حقك، كل شخص سوي أكيد ضد الصلح ده وطبعاً الضغط اللي مرت بيه السيدة مفهوم قد إيه بشع، لذلك لازم يكون في حق للدولة ولازم النطع اللي زي ده يتحاسب على غلطته وقلة أدبه
»حقيقى احنا وصلنا لمستوى من القذارة والنطاعه والبجاحة لا يحتمل، ال بيحصل من الناس من افعال الرقابه وان هما مفكرين نفسهم أولياء الله فى الارض مستفز لدرجة تحزن الواحد، إحنا وصلنا لمستوى قذر ومفيش امل للخروج منه غير بوضع قوانين صارمة تمنع القذارة والبجاحة دى، احنا غنم ومحتاجين عصايه تشكمنا وتمشينا فى الاتجاه الصحيح وأنا اسف على التشبيه بس ال بيحصل حقيقى يحرق الدم.
يمكنك دعم الموقع من هنا
مؤسسة ندى لحماية الفتيات
