– المغنية "شاكيرا". هي وحبيبها اللاعب الكتالوني "بيكيه". مع أولادهم الإثنين. المهم. شاكيرا وبيكيه وصلوا لقرار صح جداً بعد ارتباط "10 سنوات". وهو إن مفيش (جواز) مدى الحياة وأنهم حابين إنهم يعاملوا بعض "كعشاق". مش "أزواج". في تصريح جميل يدل قد إيه إن العلاقات بدون زواج هي العلاقات الأكثر بقاء وتطور .
- علاقتهم دي أصح وأقوى 100 مرة من الزواج. العلاقة اللي قايمة على (الحب والتعامل الجميل). علاقة ناجحة ومستمرة لأبعد الحدود. عندنا في مصر. ممكن في بعض الأحيان يكون في حب قبل الزواج. بس بعد الجواز ده بيتغير 180 درجة .. والعلاقة بتفشل وبتكون لا فيها حب ولا أحترام .. لأنه بيكون ضامن وجودك خلاص .
-
الحب والإخلاص والمودة. مش محتاجين (لورقة). تثبت ده وأنا شايف أن (الزواج مقبرة الحب). وهو في بعض الأوقات حماية للاثنين اللي بيحبوا بعض لو في مجتمع متطرف. ده حقيقي .. بس مش في كل الأحيان. وحابب أقتبس اقتباس من "ميخائيل نعمة". :
الزواج مقبرة الحب. الحب يسمو بالمحب الى أعلى. والزواج يشِّد به الى أسفل .. الحب يلتهم المحب فينشره شعاعاً في الفضاء. والزواج يسجن المحب فينثره هباءً في الهواء. الحب ذوبان فتبخر فأنعتاق. والزواج تمجد فتصدع فأنشقاق.
-
أغلب حالات الزواج في مصر. حالات (بيع وشراء). بالإناث من الأهالي. وأغلب اللي بيتجوزوا من الرجال. عشان يكون عندهم (روح يتحكموا فيها). (في شكلها. خروجاتها. طريقتها. في كل حياتها). "إلا من رحم ربي". وهي بتبقى فاكرة أن ده حب في الأول بس بعد كده وبوقت قصير وبشوية وعي منها (هتطلب الطلاق). لما تعرف إن ده (حب امتلاك وسيطرة).
-
أنتهى. وياريت لو وجهة نظري الشخصية دي هتضايق حد يتجاهل بكل بساطة. ولو عنده رأي محترم. يناقش وأنا هرد عليه طبعاً .
– وجهة نظر . ????♥️
أحمد عرفات | كاتب علماني
