يوميا بدون استثناء بحلم اني في المطار وبكافح عشان اطير وعلى آخر لحظة حاجة بتعطلني.
مش من حق حد يحرم حد من حقه الطبيعي في السفر ولسنين ولأجل غير مسموع لو إن دي دولة بتحترم القانون ومواطنيها.
الموضوع واضح زي الشمس ..
دا ظلم ودا عهد الظلم.
دا استضعاف لمواطن عشان ملوش واسطة ولا ظوافر يخربش بيها …
رفعت دعوى قضائية مستعجلة واضربت عن الطعام لحد ما اوشكت على الموت ومفيش موظف في الدولة حاول حتى يشرح لي سبب المنع.
قلت لهم حاكموني .. او حتى اقتلوني بس متسيبوناش انا ومراتي متعلقين كدا ..
ومفيش أي دعم من المنظمات الحقوقية لمجموعة الدعوى القضائية المستعجلة الي رفعتها لي المبادرة المصرية للحقوق الشخصية.
الي عايز يقيم اداء السيسي لازم ياخد بعين الاعتبار تجربتي ..
لا انا ارهابي ولا عمري ما عملت اي حاجة تخالف القانون ولا خنت بلدي ولا عملت اي غلط الا اني قلت رايي صراحة حسب قناعتي وقتها …
احمد حرقان | ناشط حقوقي
