قضايا المرأة

حقوق المراة العراقية | #استشارة_قانونية

#استشارة_قانونية
#موضوع_التحرش

_ البنت تقدم إخبار للمحكمه ضد مجهول اعتدى عليها واي معلومات تملكها وتدون اقوالها في مركز الشرطه واذا موجوده كامرات تكدر تطلب من اصحاب المحال التجاريه او البيوت واذا منطوه تكدر عن طريق طلب تقدمه للمحكمه والمحكمه تكلف الشرطه انه تاخذ التصوير من اصحاب المحلات او البيوت
وتدون اقوالها واقوال الشهود اذا اكو وترفق الصور او الفديو اذا حصلته وتطلب الشكوى ضد من تثبت ادانته والاجراءات القانونيه بحقه.
_اما اذا عرفت هذا الشخص تكدر تابعه وتشوف سكنه وين او شغله وتستفسر عن اسمه الكامل او عنوانه بالمضبوط وترجع لمحكمه التحقيق وتقدم طلب تدوين ملحق لاقوالها بانه سابقا قدمت اخبار او شكوى ضد شخص مجهول وحاليا تم التعرف على اسمه الكامل
وعنوانه الكامل وتطلب الشكوى واتخاذ الاجراءات القانونيه بحقه..
_الطلب كالتالي :-
السيد قاضي محكمه التحقيق في………المحترم
تحيه طيبه
م /اخبار
بتاريخ كذا والمصادف كذا وفي الساعه كذا قام اشخاص مجهولين اوشخص مجهول بالتعدي علي او بالتحرش بي في الشارع الفلاني او المنطقه الفلاني وذلك بحضور الشهود او ارفق للمحكمه صور فوتوغرافيه اوفديو
ومن خلال ماتقدم اطلب الشكوى ضد كل من تثبت ادانته واتخاذ الاجراءات القانونيه بحقه.
مع وافر الشكر لعدالتكم
المخبره
او المشتكيه
فلانه
تاريخ
توقيع

المحامي جعفر محمد
#حقوق_المرأة_العراقية
#سارة_جاسم


اترك رد

زر الذهاب إلى الأعلى