– في بنت من إسكندرية "بريئة". بتتعرض للتعنيف من أهلها. أبوها ضربها بخشبة. بدون أي تفاصيل ثانية. وبدل ما نبص للحلول. نعمل حملة إن (لأ للتعنيف مع أولادكم) (الضرب مش تربية). (ضرب أولادك مش رجولة) لأ دول "بعض البنات" اللي مبسوطين باللي حصل. واللي إن البنت تستحق. وإن فيها إيه البنت تتعرض للضرب ده !
– تخيل معايا كده إن الناس دي هتكبر وهتخلف وغالباً هتتبع نفس الأسلوب الغير إنساني ده ده مع أولادهم ….. الناس دي محتاجه تتعالج. نفس النوعية دي من البنات. هي اللي شمتت فيا واللي حصل معاي من الذكوريين اليومين اللي فاتوا دول والخاص عندي يشهد ___ نفس البنات دي اتربت على إن هي (ممتلك خاص لأبوها وأخوها وشرف العائلة) … ونفس البنات دي بتحارب (النسوية وحقوق المرأة).
– دول نوعية البنات اللي بتدافع عن الذكوريين في كل حاجة ما بالكم بأصحاب التفكير الذكوري نفسهم عاملين إزاي ؟ يا ترى من التعليقات دي شايفين إن ده مجتمع آمن. لازم البنات دي يتعمل ليهم (إعادة تأهيل نفسي كامل). وأهلهم كمان. ونعالج الخلل ده …. لأن أحقر حاجة في الدنيا اللي يمد إيده على حد من أولاده. تحت مسمى (التربية) وتسقط التربية مع أول مدت إيد !
صباح الخير يا مصر. وصلنا للتنافس على مين بيضرب أكثر . ❤️
أحمد عرفات | كاتب علماني
