منظمات حقوقية

لا لتعدد الزوجات في مصر | انا مش خروف العيد ايوه زى ما قريت ومش حسمح لحد يعاملنى زى خروف العيد بل اسوء

لا لتعدد الزوجات في مصر

انا مش خروف العيد
ايوه زى ما قريت ومش حسمح لحد يعاملنى زى خروف العيد بل اسوء لأنكم لما بتضحوا بخروف العيد بيموت ويرتاح لكن تضحيتكم بالست انها تعيش طول عمرها تتعذب بدون أدنى رحمه أو شفقه
انا ما ينفعش تضحوا بيا وبسعادتى وبراحتى فى سبيل اى شئ مره تقولوا المجتمع ومره علشان خاطر ولادك ومره ده أمر ربنا ( بالكذب والزور ) لازم افضل اضحى طول الوقت علشان المجتمع يرضى عنى لازم ابقي الشمعه التى تحترق من أجل أن تنير للاخرين لا اقفوا لحد هنا انا لو شمعه واتظلمت حو*لع فى كل الى حواليا
اسمعنى كويس وافهم سعادتى انا اهم منك ومن مجتمعك ومن شهوتك ومن حتى الأطفال ومن الدنيا وده لسببين ألولا لأنى مهمه اوى عند نفسي
ثانيا لأن اطفال مع ام تعيسه مكسوره يعنى اجيال مشوهه ومجتمع مريض ودنيا سوده
طول الوقت الرجل بس الى بيتكلم بيتكلم عن راحته عن شهوته عن سعادته بس بقي خلاص اسكت
احنا كستات عند نفسنا اهم منكم يا تحترمونا وتقدرونا وتحترموا مشاعرنا يا اما حندافع عن نفسنا بالطريقه الى تريحنا
( ملحوظه : انا رأيي الشخصى فى موضوع التعدد وتصرف الزوجه الأولى الزوجه تخلع الزوج وتحتفظ بالعيال وتتجوز تانى الى يحب عيالها ويكون ليهم اب غصب عن طليقها وعن الدنيا كلها )

لا لتعدد الزوجات, profile pictureImage may contain: one or more people, people sitting, people dancing and outdoor

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى