– العروسة المصرية الجميلة دي. وهي في فرحها. بتحتفل وبترقص مع عائلتها وأصحابها. راح حد من الحضور. صور لها فيديو "بحسن نية". الفيديو اتسرب. راح بعض المرضى. وبعد ما اتفرجوا على الفيديو. نزلوه وكتبوا عليه (كلام قبيح). جداً ومش بس كده. كلامهم وصل ل (13 ألف لايك). و(2000) ريتويت على التويتر لحد اللحظة .
- ووصل الأمر لاتهامهم الزوج (بالديوث). وأن مفيش "راجل في بيتها". وشوية كلام كده انقرض من التسعينات. وحقيقي شيء في منتهى قلة الأدب واللا أخلاق واللا إحترام لشخص سعيد في مناسبة سعيدة. حقيقي مضايق جداً من الآنحدار الفكري اللي وصلنا له .
-
ما أقبح كل شخص بيتدخل في شئون غيره وبيتدخل في حُرية المرأة. اللي مش بيقرفونا بآرائهم الساذجة والمتطرفة اللي شايفين واحدة بترقص بشكل جميل وبينت كتفها في يوم فرحها. (دياثة). اللي بيعكروا صفو أي مناسبة جميلة في حياتنا .
-
من الطبيعي. إن كل إنسان يتصور ويفرح ويعيش لحظات جميلة. بس اللي مش طبيعي بقى. ناخد فيديو ونكتب عليه كلام وسخ بالشكل ده ونركب البنت ذنب. ولا طبيعي كمية الأعداد اللي موافقة على الكلام المقزز اللي على البنت. من عدد اللايكات للكومنتات للبنات اللي ضدد البنت شيء مرعب والله .
-
وقبل ما يجي أي حد ويوجع دماغي. بسؤال (هل ترضاها لأختك). أه ياعم ارضاها لأختي وحبيبتي. وبالعكس أنا كمان هساعدهم في اختيار الفستان الأكثر جذابية. وده مش معناه أن أنا (راجل أوي). ولا كل الهبل ده. ده معناه أن أنا "شخص سوي". بيحترم حرية كل أنثى في اختيارها الشخصي .
– أنا معرفش أي حاجة عن السيدة دي. بس عايز أقدم لها كل الدعم. وأقول إنها بتأخد العقل .. وأننا كلنا بندعمك . ????❤️
أحمد عرفات | كاتب علماني
