– اليوتوبير البريطاني الشاب (Jay Palfrey). شاب من عائلة مسيحية قرر إمبارح بعد بحث عن قوله إنه "ينطق الشهادتين ويدخل الدين الإـ///ــلامي". لأنه شاف في "راحته النفسية". هو حُر طبعاً. لأ طلع (مسيحي كفره). ولا طلع (يهودي أو بوذي). كفروه ولا حد اهتم اصلاً. وده أكبر إنتصار للعلمانية اللي ليل نهار شيوخك بيحذروك منها. ده مش إنتصار للدين ولا إنتصار ليك .. ده إنتصار واضح للقيم والمبادئ اللي بتحطها العلمانية للتعايش بين الجميع .
– والله هو بيقول من زيارته لبعض الدول الإـ///ــلامية. شاف إن "الدين مظلوم وفي حُرية" وألخ .. أنا الحقيقة مش عارف هو زار "باكستان أو أفغانستان أو السعودية قبل الحداثة". وشاف التسامح هناك عامل إزاي ولالا ____ وبتمنى لو قرر يخرج من الدين تلتزموا بنفس الحُب والتسامح اللي كانوا في عيونكم وهو داخل الدين وبينطق الشهادتين .
– السؤال اللي بيطرح نفسه قدامي بقى __ *ماذا لو كان jay. شاب إسمه محمود في إحدى الدول الإـ///ــلامية. وقرر إنه يتحول للدين المسيحي* … ها تخيلتم ! أظن الرسالة وصلت وأه الحُرية لا تتجرأ. تقريباً نسيتوا عملتوا إيه مع الشيخ الشيعي "حسن شحاتة". اللي غير مذهبه فقط. والبنت عائشة اللي تحولت للمسيحية في باكستان واتقتلت. وكذا وكذا وكذا اللي حولوا لدين آخر ومسمعناش عنهم حاجة. وغيرهم .
– سواء كان الشخص مـ///ــلم وبقى مسيحي أو العكس. أو كان بوذي وبقى لاديني. ده مش هيكون موجود غير في القوانين العلمانية. اللي هتحميك وقتها … واللي مش هتسمح لمخلوق إنه يقرب منك ابداً .
– فقول شكراً للعلمانية 100 مرة أنت وهو. إنها بتديك أبسط حقوقك الإنسانية في الإختيار . ❤️
أحمد عرفات | كاتب علماني
