😂😂😂😂
شيخ في مسجد بيخطب واغلب الحاضرين من بسطاء القرية، و وصل إلى حديث:
(حتى لو دخلوا جحر أرنب لدخلتموه.. أخرجه الطبراني).
فسأله واحد من الحاضرين: الطبراني أخرج الأرنب ؟!
قاله الشيخ : لا …. أخرج الحديث.
سأله الثاني : من جحر الأرنب ؟؟!!
قال الشيخ : لا يا إبن الحلال ….. أخرجه … يعني رواه…
قاله : هو كان عطشان ؟
رد : قال قصدي روي الحديث يعني قاله نقلا عن أحد ،،
سأله الثالث : طيب و الأرنب ، إيه اللي حصل له ؟!!
قال الشيخ: الأرنب ده إستعارة بس يا إخوانا
سأله الرابع: يعني الأرنب مش بتاع الطبراني ؟!!
رد الشيخ: لا يا أخي، الطبراني ما عندوش أرنب ..
سأله الخامس: طيب الطبراني استعار الأرنب من مين ؟
الشيخ إتعصب … و قالهم : إلهي ربنا ياخذني لو جيت اخطب فيكم تاني !!
سأله السادس: ليه يا شيخ عايز تخطب ؟ هو إنت مش متزوج !!!
فنزل الشيخ من علي المنبر و رمي العمة علي الارض، و خرج من المسجد و راح لأقرب حلاق ، وحلق دقنه ،
و هجر القرية و راح قرية تانية بعيدة و إشتغل هناك في محل فول وطعمية ..
و بعد فتره ،، مر عليه واحد من اهل القرية الأولانية وقال له: تعرف لو تربي دقنك، حتبقي شبه واحد كان خطيب عندنا في المسجد زمان ؟
فسأله الشيخ بفضول : و كان اسمه إيه الخطيب ده ؟
رد عليه : والله انا مش فاكر اسمه، لكن أعرف إنه كان مربي عنده أرنب ،،، و مسلفه للطبراني!
يمكنك دعم الموقع من هنا
مؤسسة ندى لحماية الفتيات
