لا لتعدد الزوجات في مصر
الشخص دا ناس كتير بتعتبره عالم جليل
انتو متخيلين الكارثة اللي احنا عايشين فيها
دا واحد زيه زي عبدالله رشدي و إياد قنيبي و باقي الشيوخ الكيوت اللي بيبثو سمومهم و بينشرو الجهل و الارهاب بعزم ما فيهم….
بعد ما عمل منشورات عن تعدد الزوجات يتكلم عن الستات بأسلوب منحط كأنهم جواري و بعد ما دخل يردح على صفحتنا و يقول للبنات عالمطبخ و بعدها مسح تعليقاته
دالوقت عامل فيديو يدافع عن ختان الإناث ويقول انه كان موجود من زمان في مصر و لبنان و اوروبا و ان الإعجاز العلمي ان في عملية في اوروبا اسمها @خفاض و هو نفس اللفظ الموجود في الأحاديث… تكبييييير
الواحد بصراحة مش لاقي رد يعني مش عارف يوصف بجد مدى الجهل اللي احنا عايشين فيه، يعني عشان هم عارفين ان اتباعهم مايعرفوش الفرق بين الألف و كوز الذرة يقوم جايب كلمة من الشرق و كلمة من الغرب و مش عارف الفرق بين عملية تجميل الست البالغة بتعملها بمزاجها لو حاجة تاعباها او مضايقاها زيها زي نفخ الشفايف و الحواجب و بين انهم ياخدو أطفال رضع يعرضوهم على دايات و دكاترة متدينين بطبعهم بيعتمدو على هبد المشايخ عشان يعيشو على سبوبة قطع لحوم البشر.
اللهم علمانية من عندك
#العلمانية_هي_الحل
#قانون_مدني_موحد_للزواج_والطلاق
#لالتعدد_الزوجات
