رسالة لبعض المـ///ــلمين مش كلهم:
بدي أحكيلكم معلومة قد تصدمكم، المسيحيين لما يحتفلوا بأعيادهم بيحتفلوا بناءً على عقيدتهم مش بناءً على عقيدتك، لو مؤمنين بعقيدتك بيكونوا مـ///ــلمين بس هم مش مـ///ــلمين مسيحيين.. يعني المسيحي يؤمن أن المسيح صُلب ومات وقام باليوم الثالث، إذا آمن إنه ما قتلوه وما صلبوه لكن شبه لهم بيكونش مسيحي بيكون مـ///ــلم، بس هو مسيحي.
فليش بتروح على مسيحيين بيحتفلوا تحكيلهم إنه المسيح ما انصلب؟ شو متوقع جد بحكي؟ مليار ونص يحكوا واو خلص يا جماعة الغوا العيد؟؟
تخيل مثلاً تكون عم تحتفل بالإسراء والمعراج في بلد غير مـ///ــلم يجوا مش مـ///ــلمين يحكولك انتو جد مصدقين أن الله أسرى بعبده من المسجد الحرام للمسجد الأقصى؟؟!! خدلك هههه مصدقين!!!! الحمدلله على نعمة البوذية او الهندوسية او المسيحية او اليهودية!!
كيف رح تحس؟؟
العالم فيه ٧ مليار وفيه كثير أديان كل واحد بيآمن بطريقة مختلفة، فخليك آمن بما تؤمن به ثبتك الله عليه وسيب الناس تآمن بما تؤمن به، واعمل على ادخال نفسك للجنة بدلا من ادخال غيرك بالنار.
ملاحظة: هذا الكلام للبعض لا أعمم، انا شخصيًا ما شفت غير الأخلاق الحميدة من المـ///ــلمين إللي حولي.
نيكولاس خوري | ناقد سياسي ساخر
