منظمات حقوقية

لا لتعدد الزوجات في مصر | سيناريو اليوم للاستاذة Ester Mohsen _ عملت إيه في الموضوع إللي كلمتك فيه !

لا لتعدد الزوجات في مصر

سيناريو اليوم للاستاذة Ester Mohsen
_ عملت إيه في الموضوع إللي كلمتك فيه !
أختك كلمت صاحبتها !
_ كلمتها أه !
_ ووافقت ؟!
_ بص يا رفيق العمر ، سيبك من حوار البنت دي ،
دي لسه عيله ٢٢ سنه ، وإنت راجل معدي الأربعين ومعاك تلات عيال !
_ وملو هدومي ، وملو جيوبي ، وأمهرها وإتنين معاها ، غير إللي متلقحه في البيت !
_ والله أنا شايف كصاحبك لو ليا عليك نصيحه ، تضلل علي بيتك ، مراتك ست طييه وعشرة عمرك ، وإبنك الكبير طولك !
_ يابااااي علي اللت والعجن في إللي ميخصكش !
مراتي أربعين سنه ! عارف يعني إيه أربعين سنه ؟!
_ عارف لأني أنا وإنت خمسة وأربعين سنه !
_ هتشبه راجل بست في السن ده ؟!
_ مشبهش ليه يا عم ؟؟
يعني أخدتها شابه وأخدت خيرها ، وكبرتوا سوا ، وجاي دلوقتي شايفها عجوزة وإنت شاب ، رغم إنك أكبر منها !
ما تعقل الكلام ؟!
_ طب قرب عشان محدش يسمع !
حيضها إنقطع ! بقت أرض بور ، جسم دبلان ، ونفسية مقرفه علطول !
محتاج يا أخي بت جسمها بض كده ألحق بيه نفسي الكام سنه دول ؟!
_ بص أنا مش بعايرك ولا بقصد أزعلك ، بس انا كنت بيرك الغويط ، إنت عايش بعلاجات سرعة القذف والفياجرا ، يعني مؤكد مراتك إللي كانت بتعاني مش إنت ، وجاي وإنت بتشطب عايز بنت بنوت ما تتقي الله يا أخي !
_ والله إنت إللي لا تعرف ربنا ولا رسولة !
التعدد شرع ، حق ، بسبب ، من غير سبب ، حق !
_ خلاص ، إللي عندي قلته صاحبة أختي رفضاك !
_ بقي كده ، أنا أترفض ؟!
_ تترفض يا عم ، طالما سن وجسم وتعدد ، إنت معيوب !
_ معيوب ؟!
_ طبعا رد جواز ! مسن ، عندك عيال ، وعندك كرش كمان ! وده كلامها !
_ العيلة دي تقول عليا أنا كده !
_ إسم الله عليك عيله يا شايب !
_ ما تحترم نفسك !
_ كلام محبوش بس هقوله لأنه سلو بلدنا ،
سوقك في الجواز مطلقة أو أرملة غلبانه لا ليها حد ولا ليها دخل محتاجه ضل راجل وبيت ولقمه !
_ بقولك مبدخلش إلا علي بكر ! المره بتبقي بجحه لو إتكشفت علي رجالة قبلك !
_ قصدك بتقارن ؟!
_ تقصد إيه ؟!
_ بقصد بتقارن وتعرف وتقيم رجولتك إللي هي مرتبطه عندك بفحولتك ، ويجوز التقييم يطلع مش في صالحنا !
_ ما تحترم نفسك شوية بقي !
_ محترمها والله ، وعارف قدر نفسي وبقول إن مراتي كتير عليا ، الدور والباقي علي إللي باصص لعيلة من دور عياله وهو عايش بالمنشطات الجنسية !
_ طب عليا الحرام من ديني لأروح أخطبها من أبوها !
_ ما بلاش !!!
_ هتشوف !
_ روح ، براحتك !
"*****"""""""""""""""""""""""""""""
_ عمي يشرفني ………
_ عمك مين يا أح* دا أنا اقولك يا حاج !
#E_m
#لا_لتعدد_الزوجات_في_مصر

اترك رد

زر الذهاب إلى الأعلى