على لسان صاحبات شأن الرضاعة الطبيعية .. اسمعوا من الأمهات أولا
.
.
Trigger warning
.
.
.
.
.
#غدي_النونة
أول سنين جوازي كنت عايشة مع حماتي، أول حمل كان بعد الجواز علطول، مكنش فيه متابعة مع دكتور و لا تغذية جيدة و لا حالة نفسية مستقرة، كنت بخدمهم و أنا حامل و النتيجة إني ولدت في السابع، إبني كامدن ضعيف بس خرجت بيه و بدأت ارضعه، اسبوع و التاني بعدها صدري نشف لوحده! ابني جعان و مش بيشبع و تعب و روحت للدكتور كتبله على لبن صناعي، أهل جوزي مرضيوش، قعدوا يقنعوا فيا و يجبروني ارضعه فترات طويلة عشان اللبن يزيد، يجيب كل شوية واحدة من أخواته تتكلم معايا عشان تقولي الرضاعة الصناعي مكلفة و مش نضيفة و هتأذي الولد، و اصبري و صدرك هيبقى فيه لبن، كنت بقعد طول النهار الولد على صدري بيعتبره ببرونة! ف مرة و هو مجمع أخواته، عشان يقنعوني بالرضاعة الطبيعية، خرجتلهم و مسكت صدري و صرخت بأنه ناشف مفيهوش لبن و مش عارفة ارضعه و أنا بعيط بشبه هيستيرية! دي كانت لحظة مهينة قوي ليا.
بعدها بدأت معاناة اللبن الصناعي المدعم و اللف عليه و ابني اللى معدته مكنش قبلاه و كان تعبان علطول و نغير كل شوية اللبن! ف كانت كل رضعة بعملها ب سم بدن، بعد سنة كنت فطمته من اللبن خالص عشان اخلص من الضغط ده.
بنتي التانية جت بعده، و نفس العلقة، بنتي كانت أضعف من أخوها و اضطرت تدخل حضانة لمدة شهر، و لأني خايفة يحصل زى ما حصل ما أخوها و صدري ينشف، كنت بعصر صدري كل يوم و ارمي اللبن عشان في الحضانة مكنتش الممرضة بترضى تاخده مني..
و لما خرجت و رجعت معايا البيت حاولت ارضعها طبيعي، شهرين بالظبط و صدري نشف تاني و مبقاش فيه لبن و دخلت معركة اللبن الصناعي مرة تانية، و ع السنة برضه كنت فطمتها عشان أرتاح من الضغط النفسي.
المشكلة الحقيقية ف كل ده إني كنت حزينة فعلاً إني مش قادرة ارضع طبيعي، كان نفسي قوي ارضع عيالي طبيعي لأطول فترة ممكنة، و كان نفسي أحس بالرابط اللى كل الناس كانت بتتكلم عنه!
أنا كنت حاسة طول الوقت إني محرومة و حارمة عيالي برضه من الرضاعة الطبيعية! رغم إن مكنش في حاجة كانت ف ايدي أعملها!
يمكنك دعم الموقع من هنا
مؤسسة ندى لحماية الفتيات
ي ستي ولا يهمك مش العيال كبروا خلاص مش فارقه بقي رضعوا ايه
اللي عندها المقدره والوقت انها ترضع طبيعي ترضع واللي معندهاش اللبن الصناعي موجود وزي الفل وكبرنا العيال عليه وبقوا زي الفل
والله ما فارقه يا ستي والله ما فارقه 😔😔 انسي والله ما فارقه كمان مره انا اخويا مرضعش وزي ال.ط.ور عادي 🤣🤣
حقك عليا بجد 😢😢
فعلا .. هذا هو الزواج عند العرب
يعني انتي عارفه الظروف دي كلها وخلفتي مش مرة واحده لا اتنين وحاسه انك مظلومة؟ والله محدش مظلوم في الليلة دي غير العيال اللي بتخلفوها بلا هدف دي