مفكرون

اياد شربجي | بيعلموا الولاد هون انو يعتمدو على انفسهن ، ويتقنوا مهارات التجارة والبيع

اياد شربجي

بيعلموا الولاد هون انو يعتمدو على انفسهن ، ويتقنوا مهارات التجارة والبيع والشراء ، انو مثلا يصنعو كب كيك او ليموناضة ، ويعملو خطة تسويقية لبيعوها للجيران ، وبعدين يحسبوا اديش ربحو ويصمدوهن وهيك.
المهم ، جولي ، بابا جبلي طحين ، جبلي قالب الكاب كيك ، جبلي فود كلارينغ ، جبلي ويب كريم.
بجبلها بتساويهن ، بترجع بتبيعني ياهن …. صرلي 5 سنين على هالحالة ، آخرهن مبارح. جبتلها الغراض بـ 10 $ عملت منهن 12 كبكيكاية ، وباعتني ياهن ، يعني أخدت مني حق المواد وحق الانتاج ، ولإنو أنا ما بحب هالأكلة أكلتهن هي طبعاً ، وطلعت بهديك الحسبة ، لأ وباعتني الوحدة بـ 3.99 $ متل أميركان منشان تدفع ضرايب أقل .. !!
ولإنو ما بدي اكسر بخاطر البنت وانزعلها اللي عمتتعلمو ، صرت عمفكر جدياً روح عالم المدرسة وإفقس الآنسة 100 $ منشان تقلها لجولي إنو برافو هاد الدرس خلص بيكفي لهون ، أو على الأقل تقنعها تروح تتاجر برات البيت ، وإلا رحطر اشتغل بتخزين البيتزا بعد الدوام … !!!

  احمد عصيد | ‎كل التضامن مع الدكتور #خالد_منتصر

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق