هند قطران
طبعا عارفين ان ديه #حنينحسام
اللي الدخليه كلها واقفه علي رجل بسببها والنائب العام بذات نفسه فاتح معاها تحقيق عشان الاخ #نشأتالديهي بلغ عنها او اشار الي فيديو ليها
هو انا بس عندي كام سؤال للمجتمع الفاضل الشريف اللي نازل تقطيع في لحم البت من امبارح
شعب بيحتل المرتبة الاول او التانية في الدخول علي المواقع الاباحية لافلام البورنو، وفي المراكز الاولي دايما في قوائم التحرش
ولسه حادثة التحرش بفتاة المنصورة معداش عليها شهور ، وحادثه الطفله اللي ابوها هتك عرضها مفتش عليها اسبوع واحد ومحدش حس بجريمه زى دى من الاساس ولا حد اهتم بكارثه اخلاقيه زى دى ، عارفين ليه ؟
لان ببساطه قضايا زى دى مش مهمه باهميه بنت تطلع ترقص في فيديو ، هو دة اللي يصيب اخلاق المجتمع في مقتل
الشيخ #عبداللهرشدي واللي ليه فتاوى عن نكاح الطفله وبيطلع جهرا يقولها علي التليفزيون وبيدى قداسه وشرعيه للبيدوفيليا .. لا دة عادي ومش بينشر الفجور في المجتمع المحافظ بطبعه طبعا
ولا #ترتر_الشريف اللي في بهايم دفعوا وبيدافعوا عنه لسه واللي ليه تسريبات بيمارس فيها الفجور مع بنات تحت سن الرشد .. عادى يعني له ما له وعليه ما عليه مش هنرجمه يعني
في قضية شذوذ مع اطفال لشيخ يعتبر من كبار الائمة ووقفت في النيابة بقرار وزاري وتم التعتيم عليها تماما … لحوم الشيوخ مسمومه طبعا ومهما عملوا هيفضلوا اشراف وبيبرؤا
.
لكن عيله صغيرة بتطلع تتنطط وتلبس هدوم مصنفه عند الدواعش غير لائقه وبتتكلم عن ابليكيشن قانوني وشرعي ، فاى حد ياجماعه حاسس بالنقص والوساخه يدخل يسن السكينه ويقطع منها حته عشان يتطهر وينضف ،
واهو بالمرة نغطي علي موضوع الشيخ عبد الله ترتر ووساخة فصيله لما نصدرلهم عيله صغيرة علي انها عاهرة مصر الاولي اللي مهددة الـ///ــلام الاجتماعي وبتضرب الفضيله في مقتل
اصل البت كمان محجبه يعني بتمثل 90% من بنات مصر اللي حابسنهم في قمقم وربطينهم بسلاسل لما يشفوها بترقص وتتنطط يقتدوا بيها وتخرجهم من قمقمهم وسيطرتنا عليهم تتهدد ، وتجارة الشيوخ اللي بيفتوا للمنقبات ان الشنط الحمرة حرام وبتهيج الرجاله وبتدفعهم يتحرشوا بيهم تبور
كل واحد فرحان في الطفلة ديه معتوه
وكل واحد هاجم الطفلة ديه مريض نفسي محتاج علاج
وفجأة اصبحتم جميعا ملائكة ، والطفلة ديه اصل الشرور
Post From ; Nivien Monem
#الطفلهالتيهزتعرشمصر
#صوتالعلمانية
#العلمانيةهيالحل
#العلمانيةانسانية
#العلمانيةعدلومساواة
#العلمانية_حرية
هند قطران | ناشطة حقوقية
