مفكرون

سمير علي جمول | من هلق شرطية حقلية ولاقتيلة عالبيدر ….. اذا متت مابدي بيت شعر وتلات ايام

سمير علي جمول

من هلق شرطية حقلية ولاقتيلة عالبيدر …..
اذا متت مابدي بيت شعر وتلات ايام وإذا تلافيا للإحراج منشان الأقارب نهار بيكفي وكتير كمان يكون من العصر وورا …..
تالت واسبوع واربعين وسنوية ديرو بالكون خط أحمر مابدياهون لأنو مابعرف شو اساسون ولابدي اعرف ……
مابدي حدا يطلع تلات ايام عالقبر الصبح ولا بالأعياد ديرو بالكون تأكدو اني ماراح ارجع بعد كل هالردم فوقي والشطايح والذي منو وخاصة هاي الحجرة البيحطوها بعد مايردمو القبر آخر شي بحس انو خازوق ….
آخر شي هادا البيقول اليوم ياتيك من عبادك فتجاوز سيئاته وزد في حسناته يمكن هيك بيقول ..؟
أولا أنا مابحبو لهادا الشخص
ثانيا انا ماني عبد لحدا
ثالثا مين قلك انو بدياه سيئات سيئاتي صدقني كلشي عملتو كان بإرادتي واستمتعت فيه وبعدين ليش سميتها سيئات مو يمكن أحسن بكتير من حسناتك
أما الحسنات كمان لابدي يزيدها ولابدي جائزة عليها كوني اخدت النتيجة مباشرة في كل مرة عملت فيها شي منيح من عيون اللي تعاملت معهون والسعادة اللي صارت جواتي بتكفيني هالجائزة
رابعا منشان اللي تعزبو وطلعو بوداعي عالمقبرة ياريت قصائد لنزار قباني أو موسيقا لياني مثلا
اتفاق ارجو التقيد به مؤقتا لبينما لاقي مناطق تانتية وضيفها

  سمير علي جمول | مجرد رأي قد يلامس مقدسك !!! اقرأه بحيادية ولست ملزما به ... انه مجرد خاطر

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق