كتّاب

واحلف له بليالي الشوق ونجوم السما اللى فوق…


واحلف له بليالي الشوق ونجوم السما اللى فوق
ازاى قلبي حبه والبال انشغل به من أول قيقة ابو عيون جريئة
مرسى جميل عزيز
فارس الكلمة فى السينما المصرية
ولد سنة1921، ومصر تتهيأ بعد ثورة 1919، لمرحلة جميلة من تاريخها الطويل فتنفتح على الثقافات المختلفة وعلى العصر وعلى ناسها الذين طال تجاهلهم، وتعود إليهم الروح كما كتب توفيق الحكيم، ولد شاعرنا فى الزقازيق لأب يعمل فكهانى، وعمل هو بالمهنة نفسها فى حياته المبكرة فأكتسب من الفاكهة عالمها الثري من الألوان والأشكال والرائحة والطعوم، وانعكست على كلمات أغانيه شديدة الثراء والجمال والرقة والتنوع، وإلى جانب هذا امتلك عقلا وهاجا فدرس الحقوق وفن كتابة السيناريو وثقافة واسعة محبة للناس وتراثهم العميق، ومثلت أغنيات مرسي جميل المبتهج والمقبل على الحياة والبسيط فى نفس الوقت نقلة جديدة فى عالم الشعور والعواطف التى واكبتها تغيرات اجتماعية كبيرة صاحبت ثورة يوليو 1952، بخروج الملايين من شباب وفتيات الفقراء وابناء الطبقة الوسطى الى عالم التعليم والعمل، ويقص لي اخواتى الكبار الذين كانوا فى مطلع الشباب فى الخمسينيات ان اشعار مرسي جميل عزيز كانت هى رسول المحبة بين الشباب والفتيات فى ذلك الزمن، وقد ساهمت السينما التى أصبحت فنا جماهيريا كبيرا فى إشاعة تلك العواطف الانسانية البسيطة والنبيلة معا، وستكون بدايتنا مع عبد الحليم حافظ والذى يعد أكثر من تعاون معه منذ بدايته وحتى آخر أفلامه “أبى فوق الشجرة” وكانت البداية فى فيلم “أيامنا الحلوة” من اخراج حلمى حليم سنة 1955 والذى كتب كلمات اغانيه الأربعة “فارسنا مرسي جميل عزيز” والتى تعبر عن حياة وعواطف شباب من الجامعيين الفقراء ومنها أغنية: الحلو حياتى وروحى وأوقوله إيه/ ان قلت باحبه الحب شوية عليه/دا حياتى وروحى واقوله ايه” وأغنية: “هى دى هيا فرحة الدنيا/ دق يا قلبي غنى يا عنية” وهما من تلحين كمال الطويل، وأغنية: “ياقلبي خبى لايبان عليا/ ويشوف حبيبي دموع عنيا/ خليه بعيد خليه سعيد/ دا مش نصيبي لكن حبيبي واكتر شوية”، وأغنية: “ليه تشغل بالك ليه/ على بكرة وتبكى عليه/اضحك وافرح من قلبك وانسي الدنيا وما فيها/ خلى الايام تفرح بك وانت كمان افرح بيها/افرح بشبابك واتهنى حتلاقي الدنيا بقت جنه” والاغنيتين من تلحين الموجى، وبرع شاعرنا فى التعبير عن عمق دراما الحب والحياة بنفس الاقتدار والبراعة، وفي فيلم “شارع الحب” من اخراج عز الدين ذو الفقار سنة 1959، يغنى: “قولولوا الحقيقة بحبه من أول دقيقة/ قولولوا بحبه ومتوهنى حبه فى بحوره الغريقة/ أبو عيون جريئة” ولا يمكن أن ننسي حالة الفرح الشعبى التى اشاعها بتلك الكلمات مع فرقة حسب الله فى شارع محمد على، كما غنى الليالي: “كل كلمة حب حلوة قلتهالى/ كل همسة شوق بشوق سمعتهالى/ والأمان والعطف والقلب الحنين والأمانى كلها نولتهالى/ بس قلبي لسه خايف م الليالى/ وانت عارف قد ايه ظلم الليالى ياحبيبي”،
وتألق مرسي جميل عزيز مرة ثانية مع العندليب وحلمى حليم فى فيلم “حكاية حب” 1959 بأغانى أربعة: “بتلومونى ليه لو شفتم عينيه حلوين قد ايه/حتقولوا انشغالي وسهد الليالي مش كتير عليه/ ليه بتلومونى” والأغنية التى بلغت بالدراما السينمائية حدودا غير مسبوقة، “فى يوم فى شهر فى سنة تهدى الجراح وتنام/ وعمر جرحى انا أطول من الأيام/ وداع يادنيا الهنا وداع ياحب يا احلام/ داعمر جرحى انا اطول من الايام.. وفيها، كنت اتمنى يطول العمر واعيش حواليك/ولا اشوف عمرى دمعة حزينة تملا عنيك/لو كان بايدى كنت افضل جنبك/ واجيب لعمرى الف عمر واحبك/يافرحة كانت ماليه عنيا واستكترتها الدنيا عليا”، والاغنيتين من الحان كمال الطويل، ورغم مر السنين لن انس بكاء اخواتى البنات ورفيقاتهن وهن يندمجن مع اللحن والكلمات والم عبد الحليم الشجى، واغنية” حبك نار”: حبك نار، بعدك نار، قربك نار، واكتر من نار/ حبك نار مش عايز اطفيها ولا اخليها دقيقة تفوتنى ما احسش بيها/ نار يا حبيبي نار صحتنى نار خلتنى احب الدنيا واعيش لياليها”، واغنية: “بحلم بيك انا بحلم بيك وبأشواقي مستنيك/ وان مسألتش فيا يبقي كفاية عليا عشت ليالى هنيا احلم بيك” والاغنيتين من تلحين الموجى
وفى فيلم البنات والصيف من اخراج عز الدين ذو الفقار 1960، غنى “جواب” و”راح” من الحان كمال الطويل، وواصل مرسي جميل التألق مع عبد الحليم فى فيلم “يوم من عمرى” اخراج عاطف سالم سنة 1961، حيث كتب من اغنيات الفيلم “بأمر الحب” و”ضحك ولعب وجد حب” والاغنيتين من تلحين منير مراد،وفى فيلم الخطايا من اخراج حسن الامام 1962 غنى “الحلوة” من الحان كمال الطويل، وفى فيلم معبودة الجماهير اخراج حلمى رفلة 1967، غنى” أحبك” من تلحين الموجى و”بلاش عتاب” من الحان كمال الطويل
وكان فيلم “أبى فوق الشجرة” لحسين كمال سنة 1969، هو تغريدة البجع لمرسي جميل عزيز فى كتابته لعبد الحليم، فقد كتب له ديالوج “قاضى البلاج” ولحنه منير مراد، وكتب له “ياخلى القلب” ولحنها محمد عبد الوهاب
ولا يمكن ان نترك تعاون مرسي جميل مع عبد الحليم بدون أن نذكر الملحمة الوطنية “لأدهم الشرقاوى” الفيلم الذى اخرجه حسام الدين مصطفى سنة 1964، وكتب موالها كله ومنه: “واتشكلت محكمة لأدهم فى يوم مشهور/ ياخوفى يا محكمة عدلك ميزانه يجور/ وان كان داعمه اللى من دمه بيشهد زور/ وزى يوم دنشواى باع دنيته ودينه/تبقي انت يا محكمة ويبقي القضا معذور والحكم ظالم”
وننتقل لفنان آخر ممن غنوا كلمات شاعرنا الكبير، فايزة أحمد، صاحبة الصوت القوى والتى كتب لها واحدة من اهم روائعها: “أنا قلبي إليك ميال/ ومافيش غيرك ع البال”، ولحنها الموجى، وقد كتب لها فى فيلم “تمر حنة” من اخراج حسين فوزى 1957 اغنية من أشهر اغانيها: “يا امه القمر ع الباب نور قناديله/يا امه ارد الباب ولا اناديله؟” واغنية “قلبي عليك يا خى/ من حر قوله اى”وهما من تلحين الموجى،
وفى فيلم انا وبناتى للمخرج حسين حلمى المهندس 1961، كتب لها اغنية”بيت العز يا بيتنا علي بابك عنبتنا/فيها خضرة وضليلة وبترفرف ع العيلة/وبتضلل يا حليلة من اول عتبتنا يابيت العز يابيت السعد يابيت الفرح يابيتنا” وأبدع الموجى عندما يجعل صوت زكى رستم الأجش يردد مع الكورس “الله الله” وتكمل “الله الله على عشرتنا وعلى لمتنا حوالين بعضينا/ الله على اجمل ايامنا وعلى احلامنا وحكايات ليالينا”
ولحنها الموجى
وفى فيلم “ليلي بنت الشاطئ” من اخراج حسين فوزى 1957، كتب لها اغنية: “يالأسمراني رمشك نادانى/ ماعرف جرحنى ولا داوانى” وفى نفس الفيلم غنى له محمد فوزى من الحانة”الشوق الشوق حيرنى سهرنى/ ليه بس ياقلبي تبص لفوق”
أما فريد الأطرش فقد غنى له العديد من الاغنيات لحنها كلها بالطبع ففى فيلم “يوم بلا غد” لبركات 1962، غنى “اسمع لما اقولك” وفى فيلم “حكاية العمر كله” لحلمى حليم 1965 غنى “منحرمش العمر من عطفك عليا/ياللي حبك م السما اجمل هدية”، وفي فيلم الخروج من الجنة لمحمود ذو الفقار 1967، غنى “انا وانت ولا حد تالتنا” ، وفى فيلم زمان ياحب لعاطف سالم 1973 غنى اغنية “زمان يا حب” وكان آخر ما غنى له في فيلم نغم فى حياتى لبركات سنة 1975 حيث غنى له “ياحبايبي ياغايبين واحشنى ياغاليين”
أما محرم فؤاد فقد تعرف عليه الناس من خلال اغانيه في فيلم حسن ونعيمة اخراج بركات 1959 ومن الحان الموجى وغنى له: “رمش عينه اللي جارحنى رمش عينه/ رمش عينه اللى دابحنى رمش عينه/مين ياناس يحكم مابين قلبي وبينه/ ليلة من ذات الليالى كنت خالى وقلبي خالى/فات عليا الحلو الاسمر قلبي قاللى حب واسهر/ مين ياناس يحكم مابين قلبي وبينه/ رمش عينه اللى جارحنى رمش عينه” واغنية: “الحلوة داير شباكها شجرة فاكهة ولا فى البساتين/الحلوة م الشباك طاله يحرسها الله ست الحلوين الحلوة/ الحلوة حلوة وسنيورة زى الصورة مرسومة تمام/ والشفة ورده ف عنقودها اما خدودها تفاح الشام”
كما غنت له نجاة فى فيلم الشموع السوداء من اخراج عز الدين ذو الفقار 1962، “ايه هو ده اشمعنى ده ارتحت له وفتحت له لما نده/ايه هو ده اشمعنى ده سهرت له قوام كده/ اكون بحبه مش معقول/الحب مايجيش كده على طول” وهى من الحان الموجى، وفي فيلم ابنتى العزيزة من اخراج حلمى رفلة 1971، فقد غنت من لحن الموجى واحدة من بدائع الغناء” اما براوة دوار حبيبي طراوة اخر طراوة/ قلة حبيبي ملانه وعطشانا يا انا اروحله ولا اروح اشرب حدانا/ اروح له ولا اروح وبلاش شقاوة/اما براوة براوة على الشقاوة/ حبيبي لما لقانى مريت قباله/شال طرف شاله وسقانى وطرفي شاله/ طرف لي عينى ياعينى بس بهداوة/ اما براوة براوة على الهداوة”
اما شادية فقد غنت له فى فيلم الزوجة 13 من اخراج فطين عبد الوهاب 1962، فقد غنت من الحان منير مراد “علي عش الحب وطير ياحمام” كما غنت له من الحان كمال الطويل: “وحياة عنيك وفداها عنية/ انا بحبك اد نية”
وننتهى بفيلم ربما يكون آخر اشعار”مرسي جميل عزيز” مولد يا دنيا اخراج حسين كمال 1975، والذى اثار ضجة حين عرضه وكان اول ظهور لعفاف راضي على الشاشة اذ غنت له اغانى منها: “يهديك يرضيك الله يخليك/ماتحاورنيش ماتضيعنيش/ وماتحرمنيش من فرحتى بيك الله يخليك” ولحنهاالموجى، وفي الفيلم نفسه واحدة من مرثيات الحياة والزمان، ولحنها كمال الطويل، وغناها عبد المنعم مدبولى: “زمان وكان ياماكان/كان الزمان انسان ودلوقت ليه يازمان/ مابقيتش زى زمان طيب ياصبر طيب/يرحم زمان وليالي زمان والناس يا متهنى يا فرحان/ الدنيا كانت شمعة ووردة ولسة ما اخترعوش احزان”، هذه مجرد إطلالة عابرة على العالم الثرى لذلك الشاعر العظيم
فهل كان تغير الناس والزمن وزيادة الأحزان واحد من اسباب اختياره ان يغادر عالمنا سريعا قبل ان يتم عامه الستين؟
د. كمال مغيث

يمكنك دعم الموقع من هنا
مؤسسة ندى لحماية الفتيات

اترك رد

زر الذهاب إلى الأعلى