القبض على مجر م هتـ ك عرض طفلة تبلغ من العمر ثلاث سنوات.
تم القبض على مجرم قام بهتك عرض طفلة تبلغ من العمر ٣ سنوات، الموضوع بدأ لما كانت سيدة مش مصرية بتشتغل مدرسة فرنساوي في سنتر تعليمي في العجوزة، وكانت بتدور على حضانة بعد الضهر تسيب بنتها اللي عندها ٣ سنين فيها عشان بتشتغل لغاية بليل، فلما ملقتش حضانة صاحبة السنتر عرضت على السيدة أم الطفلة أنها تسيب بنتها مع العاملة الشخصية بتاعت صاحبة السنتر اللي بتكون معاهم في السنتر عشان السيدة توافق تدي دروس لحد بليل، وهي وافقت وبقت تاخد بنتها الشغل وتدخل تدي الدروس وتسيب بنتها مع العاملة في الأوضه اللي جمبهم.
فجأة العاملة دي اختلفت مع صاحبة السنتر وسابت الشغل، وبعدها العاملة كلمت السيدة أم الطفلة عشان تكلم صاحبة السنتر أنها تيجي وتاخد هدومها، المدرسة حاولت تعمل ده لكن صاحبة السنتر أصرت على موقفها.
بعدها بكام ساعة، المدرسة تتفاجيء بفيديو العاملة بعتتهولها على واتساب مدته دقيقتين بيتم خلالهم هتـ*ك عـرض بنـتها اللي عمرها ٣ سنين من أخو صاحبة السنتر.
أم الطفلة بعد ما شافت الفيديو راحت بلغت الشرطة وتم القبـض على الشخص ده وتم تحويل القضية للنيابـة العامة بعد ما التحقيقـات أثبتت صحة الواقعـة وأن أخو صاحبة السنتر هتـ*ك عـرض الطفلة دي.
وبعد دا كله صاحبة السنتر اللي هي أخت المتهم بتبتز الأم وتهددها أنها تتنازل عن القضية يا أما هتنزل فيديو التعـدي على الطـفلة بوشها عشان تفضح الطفـلة اللي معندهاش غير ٣ سنين واللي مش فاهمه بيحصل أيه!
علما بأن القانون المصري ينص على كل من هتك عرض صبى أو صبية لم يبلغ سن كل منهما ثمانى عشرة سنة ميلادية كاملة بغير قوة أو تهديد يُعاقب بالسجن المشدد مدة لا تقل عن سبع سنوات
#المغتصب_مكانه_السجن
#قانون_يحمي_النساء
#عدالة_ناجزة
يمكنك دعم الموقع من هنا
مؤسسة ندى لحماية الفتيات
